පාරිභෝගික පහසුව සඳහා Huawei විසින් කුරියර් මඟින් අලුත්වැඩියා කිරීමේ සේවාව අරඹයි

තාක්ෂණික උපාංග නිෂ්පාදනයේ ලොව ප්‍රමුඛයින් වන Huawei විසින් සිය පරිශීලකයින්ට උසස් තාක්ෂණික අත්දැකීමක් ලබා දීමේ අරමුණින් කුරියර් මඟින් අලුත්වැඩියා කිරීමේ සේවාවක් හඳුන්වා දී තිබේ. සතියේ ඕනෑම දිනක ලබා ගත හැකි මෙම සේවාව මඟින් පරිශීලකයින්ට සිය ජංගම දුරකථන අලුත්වැඩියා කර ගැනීමට නොමිලයේම උපාංග භාර දීම සහ නැවත පරිශීලකයා වෙත රැගෙන ගෙනවිත් දීමේ සේවා පහසුකම් සපයයි. මෙම පහසු කුරියර් සේවාව මඟින් පාරිභෝගිකයින්ට ගමන් වියදමකින් සහ සිය කාලය දිගු පෝලිම්වල ගත කිරීමකින් තොරව, ජංගම දුරකථනයන් පහසුවෙන් අලුත්වැඩියා කරගැනීමේ අවස්ථාව හිමි වේ.

මෙම නව සේවාව පිළිබඳ අදහස් දක්වමින් Huawei මෙරට ප්‍රධානී පීටර් ලියු මහතා මෙසේ පවසා සිටී. Huawei සමාගම සිය සේවාවන් දියත් කිරීමේදී පාරිභෝගිකයාගේ පහසුව සහ ඔවුන්ගේ සේවා තෘප්තිය වැදගත් කොට සලකයි. පාරිභෝගිකයාට උසස්ම තාක්ෂණික අත්දැකීමක් හිමි කර දීමේ ප්‍රමුඛ අරමුණින් ක්‍රියා කරන Huawei ආයතනය හඳුන්වා දුන් මෙම නවතම කුරියර් සේවාව පරිශීලකන්ගේ කාර්යබහුල ජීවන රටාව තවත් සරල කර ඇතැයි කිව හැකිය. මෙම නව සේවාව තුළින් ඉහළ පළපුරුද්දක් ඇති සිය තාක්ෂණික කණ්ඩායම හරහා පරිශීලකයින්ගේ ජංගම දුරකථන අවම කාලයක් තුළ අලුත්වැඩියා කර ගැනීමේ හැකියාව හිමි වන අතර මෙම විශ්වාසවන්ත සේවාව අත්විඳින මෙන් සියලුම Huawei පාරිභෝගිකයින්ට මම ආරාධනා කර සිටිනවා”.