වාස්තු මිනිසාට බලපාන්නේ කොහොමද?

අප සිරුරේ අභ්‍යන්තරිකව තැන්පත් වී ඇති දේ අතිවිශාලය. හඳුනා ගැනීමටද හැකි වී ඇත්තේ ඉතාම අඩු ප්‍රමාණයකි. හිස මුදුනේ සිට දෙඇස්, දෙකන්, මුඛය, ගෙල, පපු පෙදෙස, උදරය, ලිංග පෙදෙස, කලවා, දණහිස් හා පිටි හා යටිපතුල්ය. මේවා අන්තරීක්‍ෂ ගෝලීය හා පෘථිවිගත ත්‍රිත්වයට අයත් වෙයි. එනිසා මෙම ශරීර කොටස්වලට නිවෙසක වාස්තුව බලපාන්නේ කෙසේදැයි දැන් බලමු.
ත්‍රිලක්‍ෂණයට අනුව අනුගතව භූමියේ නිවෙසක් ඉදිකිරීමේදී දිසාවන් ගැනද මුලින්ම අවධානය යොමු කිරීම අනිවාර්ය වෙයි.

වාස්තු විiානුකූලව ඉතාමත්ම සෞඛ්‍ය සම්පන්න නිරෝගී නිවෙසක් ඉදිකර ගැනීමේදී ඒ තුළ කිසිදු බාධාවකින් තොරව ජීවත් වීමට හැකිවෙයි. කඳු – බෑවුම් සහිත නම් උතුරු දිශාවට පහත් වූ බිම ඉතාම අගනේය. ජලය උතුරට ගලා බසින බැවින්. වර්ණ කලාප වූ උතුර – ඊශාන හා නැඟෙනහිර දිසාව බාධාවකින් තොරව නිරන්තරයෙන්ම නිදහස්ව තිබිය යුතුවෙයි. ඉඩමේ හරි මැද බ්‍රහ්ම පාදය තුළ නිවෙසේ මැද සිටින සේ නිවාස ඉදිකිරීම මහා දෝෂයකි. පර්චස් 2 හෝ 3 වුවත් එසේමය.

මහා වාස්තු විiාඥයන් පෙන්වා දෙන්නේ අපේ පියවි ඇසට නොපෙනෙන මහා ශක්තීන් රැසක් විශ්වය හරහා ගලා යන බවකි. එය අප සිරුරට අනුගත වෙයි. අසමතුලිතභාවයක් වුවහොත් මුළු ජීවිතයම අවුල්සහගත වන්නේය.

එවැනි අසුබ තත්ත්වයකට නිතර නිතර ඔබ මුහුණපාන්නේ නම් කළයුත්තේ වැරැදි වාස්තුව නිවැරැදි කර ගැනීමයි. අපගේ සිරුරත්, නිවෙසත් අතර බලවත් සබඳතාවක් පවතී. එයට ඕනෑ තරම් සාධක තිබේ. යම් ව්‍යුහයක ශක්ති තලයට බලපෑම් කිරීමට විශේෂිත කරුණු හතරකි. පෘථිවි ශක්ති ජාලය, මිනිස් ශක්ති අක්‍ෂය, වර්ණ හා පංච භූත පදාර්ථ ඒවායි. සිරස්, තිරස්, විකර්ණ හා ලම්බක ශක්ති සතරකි. හිරුගේ වර්ණ පදාසය 6013ක කිරණ පොළොවට පතිත කරයි. අප මුහුණදී සිටින දිසාව අනුව මොළයේ නියුරෝණ අසාමාන්‍ය ලෙස ක්‍රියාත්මක වෙයි. කාමරයකදී හෝ වෙනත් පාරිසරික රටාවකදී මොළයේ නිශ්චිත නියුරෝණ මගින් සංඥා කරනු ලබයි.

මේ අනුව බලන විට අප වාසය කරන නිවෙස කොතරම් නිවැරැදිව වාස්තු විiානුකූලව සාදාගත යුතුද යන්න පැහැදිලි වෙයි. ඔබ නිවෙසක් ගොඩනඟන විටදී මෙන්ම පදිංචි නිවෙසක් ඉතාමත්ම නිවැරැදි ක්‍රමවේදය මත ගොඩනඟා ගතයුත්තේය. පළමුවෙන්ම දිසාවන් හඳුනාගෙන ඒ ඒ දිසාවන්ගෙන් නිකුත් වන වර්ණ ශක්ති කිරණ බලවේගය සොයාගත යුතුය.

නිවාස සැලසුම් ඇඳීමේදී විශේෂයෙන්ම භූමිය හා අවට පරිසර රටාව මෙන්ම දිසාවන් ගැනද මනා අවබෝධයක් තිබීම වැදගත්ය.

ගිනිකොන දිසාවට කුස්සිය දැමීම අනිවාර්ය වන අතරම, ඒ දිසාවට අපහසු නම් වයඹ දිසාව යහපත් වෙයි. ඊසාන, නැඟෙනහිර, උතුර, කුස්සිය යොදා ඇති නිවාසවලට වාස්තු දෝෂය උග්‍රවී ඇත. කායික හා මානසික ගැටලු අධික වෙයි. පැවැත්ම අඩුය. නිවෙසේ නිදන කාමර භූගත ව්‍යාධිවලට හසුවීමෙන් වාසය කරන අයද රෝගී වෙයි. ඊසාන තෙතමනය, නිරිත වියළි, ගිනිකොන අධික උණුසුම, වයඹ සම සීතතාවයද ඇතිකරයි. නිවෙසක හැඩයට අනුපාතයද වැදගත් වෙයි. හරි හතරැස් කාමර ඉතාම අයහපත් වෙයි. උතුර, ඊසාන හා නැඟෙනහිර දිසාවන්ට මුහුණලා ඇති කාමර වඩා ඇහිරී තදබදයෙන් යුක්ත වීම හරහා විශ්ව ශක්තිය කාන්දුවීම අඩු වීමෙන් නිවෙස මුළුමනින්ම අක්‍රිය බවට පත්වෙයි. දෝෂ පැනනඟී.

තවද මිනිස් සිරුරේ චක්‍ර 7 ක්‍රියාත්මක වීමද දිසානුගත වීමේදී ආධාරක වෙයි. සහස්‍ර අඡ්න, විසුධ, අනහත, ප්‍රාචීර, පිලාව, මනිපුර, මේන්වේශ්, ස්වධි ස්ථාන යනු මූලාධාර චක්‍ර හතයි.
විශ්වය හා සම්බන්ධිත ප්‍රධානම දේ (මෙවලම) වන්නේ මිනිස් සිරුරයි. (Container) ඉදිරි කලාප හරහා වාස්තු විiාවේ ගැඹුරු තැන් හාරා අවුස්සා බලමු.
ජ්‍යොතිෂවේදී ටී. හෙන්රි බෙම්මුල්ල