දේශිය උඳු භාවිතාකර ආහාර නිෂ්පාදන සිදුකිරීම මඟින් විදේශ විනිමය රට තුළ ඉතිරිකරගත හැකිවෙනවා සේම දේශිය ගොවියා ශක්තිමත් කිරීමට හැකි වන බව ආර්ථික පුනර්ජිවනය හා දරිද්රතාවය තුරන් කිරීම සඳහා වන ජනාධිපති කාර්ය සාධන බලකායේ සභාපති බැසිල් රාජපක්ෂ මහතා පවසයි.
පපඩම් හා කුළුබඩු නිෂ්පාදන කර්මාන්තකරුවන් සමඟ ඊයේ (22) අරලියගහ මන්දිරයේදි පැවති සාකච්ඡාවේදි බැසිල් රාජපක්ෂ මහතා මේ බව සඳහන් කළේය.
වෙළඳපොළ තුළ පවතින උඳු හිඟය හේතුවෙන් කුඩා හා මහා පරිමාණ කුළු බඩු නිෂ්පාදකයින් විශාල ගැටලුවකට මුහුණ දී ඇති බව මෙහිදි පපඩම් හා කුළුබඩු නිෂ්පාදන කර්මාන්තකරුවන් විසින් පෙන්වා දුන්නේය.
පිටරටින් ආනයනය කරන උඳු පිටි කිලෝ එකක මිල රුපියල් 800ක් පමණ වන අතර පිරිසිඳු කරන ලද දේශිය උඳු කිලෝ එකක මිල රුපියල් 1300ක් පමණ වන බව පෙන්වා දුන් ඔවුන් සඳහන් කර සිටියේ මේ හේතුවෙන් පාරිභෝගිකයින් දේශීය උඳු භාවිතයට වඩා ආනයනය කරන ලද උඳු පිටි පරිභෝජනය සඳහා යොමුවන බවයි.
රටේ ජාතික අවශ්යතාවය වන උඳු ටොන් 20000ක ප්රමාණයෙන් දැනට ලංකාව තුළ වගා කෙරෙනුයේ ටොන් 5000ක් පමණි.
කෘෂිකර්ම දෙපාර්තමේන්තුව මඟින් දියත් කෙරෙන සෞභාග්යා ව්යාපෘතියට අනුව මෙම වසරේ සිට උඳු වගාකරන අක්කර ප්රමාණය වැඩිකර ටොන් 25000ක උඳු අස්වැන්නක් ලබාගැනීමට බලාපොරොත්තු වන බවද මෙම සාකච්ඡාවේදි සඳහන් කෙරිණි.
