OPPO වෙතින් පහසු මිලට හොඳම දුරකථනයක් බලවත් බැටරියක් සහ විශාල තිරයක් සමගින්

රු. 19,990 ක මිලකට 4000mAh බැටරියක්, 2GB RAM සහ 32GB ROM සහිත OPPO A1K දුරකථන මාදිලිය හඳුන්වාදීමත් සමඟ සෑම මිලකටම අයත් මාදිලි රැසක් OPPO සමාගම සතුවන අතර සහන මිලට මිලදීගත හැකි, එහෙත් ඉහළ ක්‍රියාකාරීත්වයෙන් යුත් OPPO ස්මාර්ට්ෆෝන් විශේෂාංග අත්විඳීමේ මහඟු‍ අවස්ථාවද ශ්‍රී ලාංකිකයන්ට ලැබෙනු ඇත.

රු. 20,000 කට අඩු ස්මාර්ට්ෆෝන් කාණ්ඩය මින් ඉදිරියට මෙරට ස්මාර්ට්ෆෝන් වෙළෙඳපොළේ සැබෑ වෙනසක් ඇතිකරන කාණ්ඩයක් වනු ඇති අතර, එය රටේ ඉහළයමින් පවතින ස්මාර්ට්ෆෝන් භාවිතය තවදුරටත් පුළුල් කිරීම සඳහා සුවිශේෂී දායකත්වයක් සපයනු නිසැකය.

OPPO A1K දුරකථන මාදිලියේ ඇතුළත් 4000mAh බැටරිය එම කාණ්ඩයේ විශාලතම බැටරි අතරින් එකක් වන අතර, ඒ නිසාම එය ආරෝපණය කිරීමෙන් තොරව දවසක් පුරා (පැය 17 ක්) භාවිතා කිරීමට හැකි වේ. එමෙන්ම වඩාත් විශාල මතක ධාරිතාවක්, එනම් 2GB RAM සහ 32 ROM සමග 256GB දක්වා ධාරිතාව වැඩි කිරීමේ හැකියාව සහිත මෙය ඡායාරූප හා දත්ත වැඩි ප්‍රමාණයක් ගබඩා කිරීමට ඉඩකඩ සලසා දෙයි. අඟල් 6.1HD+ තිරයක් සහිත නිසා වීඩියෝ නැරඹීමේදී සහ වීඩියෝ ක්‍රීඩාවල යෙදීමේදීද සුවිශේෂී අත්දැකීමක් හිමිවනු ඇති අතර, Corning Gorilla Glass 3 නිසා තිරයේ සවිශක්තියද වැඩි වී තිබේ.

සරල විලාසිතාවක් සහ Matte නිමාවක් සහිත OPPO A1K මාදිලිය සැබැවින්ම ආකර්ෂණීය දුරකථන මාදිලියකි. තනි වර්ණයකින් යුත්, සවිමත් නිමාවක් සහිත, ඇඟිලි සලකුණු රැඳීම අවම කරන පසුපස පැනලයක් එයට යොදා ඇත. දැනට දුරකථන ක්ෂේත්‍රයේ ප්‍රමුඛතම වර්ණ ලෙස සැලකෙන වර්ණ සිය ගණනක් අතරින් තෝරාගත් ප්‍රමුඛතම සහ ජනප්‍රියම වර්ණ දෙකකින් මෙම දුරකථන මිලදීගත හැකි වේ.