ඇය පුංචි තිරයට ආදරණීය මවකි. ඇතැම් විට දුවලා සමග නිරන්තරයෙන් හැප්පෙන කලබලකාරී මවකි. ‘ආලේ‘ මෙන්ම මේ දිනවල අතිශය ජනප්රිය ‘බෝල්ට් ඇණේ‘ ටෙලිනාට්යය හරහා ප්රේක්ෂකයන් අතරට එන ඇය, රංගන ශිල්පිනී ශිරෝමිකා ප්රනාන්දුය. ඇගේ ජීවිතය මේ දිනවල ගෙවී යන්නේ දැඩි කැපවීමක් සහ සංවේදීතාවයක් මැදින්. ඒ, ඇගේ ආදරණීය මවගේ සුවදුක් බැලීම වෙනුවෙනි. රූගත කිරීම්වලින් කෙතරම් කාර්යබහුල වුවද, තම මව වෙනුවෙන් යුතුකම් ඉටුකිරීමට ඇය කිසිවිටකත් අමතක නොකරන්නීය. මව වෙනුවෙන් ජීවිතයම කැපකරන ඇගේ කතාව කියන්නයි මේ සූදානම.Sri Lanka Latest News
කොහොමද ඉතින් ශිරෝමිකා?
හොඳින් ඉන්නවා. අම්මාවත් බලාගෙන කලා කටයුතු කරගෙන පවුලේ අය සමග සතුටින් ඉන්නවා.
ඔබේ ආදරණීය අම්මා වෙනුවෙන් මේ දිනවල ලොකු කාලයක් වෙන්වෙනවා නේද?
අම්මා මගේ ජීවිතය. ඇය වෙනුවෙන් මම උපරිම කාලය යොදවනවා. මේ බැඳීම සංසාරගත බැඳීමක්. ඒ තරමට ඇයට පණ වගේ ආදරෙයි. ඇය මගේ ජීවිතය ගොඩනගා ගන්න කරපු කැපකිරීම් නතර වුණා කියන්නේ මගේ අතපය කැඩුණා හා සමානයි. මම රූගත කිරීමකට ගියත් අම්මට අවශ්ය ආහාරපාන හදලා තියලා තමයි යන්නේ. අම්මා දියර ජාති පමණයි ආහාරයට ගන්නේ. මම රූගත කිරීම්වලට ගියත් හිත අම්මා ළඟ. ඇයට උපරිම සලකනවා. මට වගේම මගේ දරුවන්ටත් මගේ අම්මා අම්මා කෙනෙක් වුණා.
මේ වගේ තත්ත්වයක ඔබ ඉද්දි කොහොමද මේ තරම් අපූරුවට චරිත මවන්නේ?
මට මානසික සුවයකට පොඩ්ඩක් හරි තියෙන්නේ මේ කලා කටයුතු තමයි. ඒ වැඩකටයුතුවලදී චරිතයට මම උපරිම දායකත්වය ලබාදෙනවා. ජීවිතය පුරාවටම මම සතුටින් තමයි මේ ක්ෂේත්රයේ වැඩ කරන්නේ. දුකකට පත්වෙන්නේ අම්මා දැන් ඉන්න තත්ත්වය ගැන හිතලා තමයි.
දකින හැමෝම බෝල්ට් ඇණයක් කියනවලු ශිරෝමිට?
ඔව්. දකින හැමෝම අන්න බෝල්ට් ඇණයක් කියනවා. එහෙම තමයි කතා කරන්නේ. හිනාවක් දාමින් කතා කරනවා.
මේ දිනවල ඔබේ චරිතවල කලබල ස්වභාවයක් දකිනවා?
දුවලා එක්ක තමයි ටෙලි නිර්මාණවල හැප්පෙන්නේ. ගෙදරත් දුව එක්ක එහෙමයි. ඔවුන්ගේ අනාගතය වෙනුවෙන් තමයි කලබල ස්වභාවය. ‘ආලේ’ ටෙලිනාට්යයෙත් මවක්, ‘බෝල්ට් ඇණෙත්’ මවක්. ඉතින් දුවලා එක්කම තමයි කාලය ගතකරන්නේ. සාමාන්ය ජීවිතයේදී වුණත් අපි නිරන්තරයෙන්ම උත්සාහ කරන්නේ දරුවන්ගේ අනාගතය හදන්න. නිර්මාණවලත් එහෙමයි.
ප්රේක්ෂකයන් නිරන්තරයෙන්ම කතාව ජෑම් නොකර රසවත් විදියට දෙන්න කියලා කියන්නේ. මෙහෙම වීමට හේතුව?
නිර්මාණ මුලදී පටන්ගත්ත විදියට අවසානය දක්වා යනකොට කතාව නැරඹීමට පෙලඹීමක් එනවා. අපේ ශිල්පීන්ගේ පැවැත්ම අනුව තමයි කතාව ලස්සනට ගලාගෙන යන්නේ. නළු නිළියන්ගේ ප්රශ්න නැතුව. නවක අයගේ දින ප්රශ්න. කෝල් ආන්සර් කරන්නේ නැතුව ඉන්නකොට ප්රශ්න එනවා. එහෙම ප්රශ්න එනකොට රචකයාට කතාව ලස්සනට ලියන්න අපහසුයි. ඒ වගේ දේවල්වලට මුහුණ දෙන්න වෙනකොට තමයි කතාව ජෑම් වෙන්නේ.
කොහොමද වේදිකා වැඩකටයුතු?
මම ගොඩක් කැමැතියි වේදිකාවට. ඉල්ලන් කෑවා, සූකිරි බෝලේ, පැරීසියේ කිරිල්ලියෝ, එකට යටින් ඔය වේදිකා නාට්යවලට මම සම්බන්ධ වෙලා වැඩ කරගෙන යනවා.
වසන්ත විතාරණගේ
