“ශ්රී ලංකා පාපන්දු මාෆියාව” යන මැයෙන් මාධ්ය හමුවක් පසුගියදා කොළඹ නිපොන් හෝටලයේදී පවත්වන ලදි. මෙය සංවිධානය කර තිබුනේ , ශ්රී ලංකා පාපන්දු කණ්ඩායමේ හිටපු ජාතික පාපන්දු ක්රීඩකයින් සහ පුහුණුකරුවන් පිරිසක් විසිනි. Sri Lanka Latest News
මෙහිදී ශ්රී ලංකා ජාතික කණ්ඩායමේ හිටපු සහකාර පුහුණුකරු රාජා චන්ද්රසිරි මහතා සහ හිටපු ජාතික ක්රීඩක නෙයිනා මොහොමඩ් මහතාගේ ප්රධානත්වයෙන් සාකච්ඡාව මෙහෙයවන ලදි. ශ්රී ලංකා පාපන්දු වත්මන් පරිපාලනය, ජාතික ක්ණ්ඩායමේ දිශාව සහ රටේ සමස්ත පාපන්දු කළමනාකරණය සම්බන්ධයෙන් මෙහිදී මෙම කණ්ඩායම තම බරපතල කනස්සල්ල පළ කළේය.
විවිධ මූල්ය වංචාවන්, ශ්රේණිගත කිරීම් පහත වැටීම , රජයේ මැදිහත්වීම් , විනිවිද පෙනෙන මැතිවරණ සහ තවත් ප්රතිසංස්කරණ සදහා ඉල්ලීම් මෙම සාකච්ඡාවේදී ඉස්මතුවූ විශේෂ කරුණු විය. ශ්රී ලංකා පාපන්දු සම්මේලනය් , මෙම කරුණු සදහා වගවීම සිදුකල යුතු යැයි ඉහත සාකච්ඡාවේදී අවධාරණය කෙරිණි.
ප්රියන්ත හෙට්ටිගේ
