JAT දැවමය මතුපිටක කල්පැවැත්ම වැඩිකරන ‘සේයලැක් සත්කාරය’

ශ්‍රී ලංකාවේ දැව ආලේපන ක්ෂේත්‍රයේ ප්‍රමුඛයා වන JAT Holdings සමාගම පසුගියදා ‘සේයලැක් සත්කාරය’ නමින් විශේෂ වැඩසටහනක් ආරම්භ කළේය. JAT Sayerlack නිෂ්පාදන මගින් දැවමය ගෘහභාණ්ඩවලට ලැබෙන ආරක්ෂාව හා කල්පැවැත්ම පෙන්වාදීම මෙම වැඩසටහනනෙහි ඉලක්කය වී තිබේ. මේ ඔස්සේ ගෘහ අභ්‍යන්තර හා බාහිර සැලසුම් නිර්මාණයේදී දැව භාණ්ඩවල ආරක්ෂාව තහවුරු කිරීමේ වැදගත්කම ජනතාවට වඩාත් පුළුල් ලෙස අවබෝධ වනු ඇති අතර එය එම දැව භාණ්ඩ නිෂ්පාදන පරම්පරා ගණනාවක් පුරා උසස් තත්ත්වයෙන් යුතුව පවත්වා ගැනීමට උපකාරී වනු ඇත.

දැවමය ගෘහභාණ්ඩ යනු බොහෝ නිවෙස්වල අනිවාර්ය අංගයක් වන අතර ඒවා නිවැසියන්ගේ ජීවිතවලටද අතිශයින් වැදගත් වේ. ස්වභාව ධර්මයේ මහඟු නිමැවුමක් වන දැව කල් පවතින පරිදි ආරක්ෂා කරගැනීමට නම් ඒවාට නිසි ආරක්ෂාවක් සැලසිය යුතුය. ‘සේයලැක් සත්කාරය’ දියත් කර ඇත්තේ මෙම ආරක්ෂාව ලබාදීම පහසු කරවීමේ අරමුණිනි. දැව නිෂ්පාදන හා අලංකරණ කටයුතු සඳහා දැව තෝරාගැනීමේ මට්ටමේ සිට අවසානය දක්වාම විවිධ අවධිවලදී සේයලැක් ආලේපන භාවිතා කළ හැකි වේ. මෙමගින් දැවමය ගෘහභාණ්ඩ හා අනෙකුත් දැවමය නිෂ්පාදනවල පෙනුම දිගු කාලයක් තිස්සේ නොවෙනස්ව පවත්වාගත හැක.