ඕනෑම අවුරුද්දක පෙබරවාරි මාසයේ උපන් ඔබට ඉදිරි සතියක (පෙබ. 21 සිට 28 දක්වා) කාලය කෙසේ ගතවේද යන්න නාඩි ජ්යොතිෂයට අනුව සලකා බලමු.
ගුරු ග්රහයාගෙන් ආරම්භව රවි ග්රහයාගේ ග්රහ බලපෑමෙන් අවසන් වන මෙම සතිය ඔබට තරමක් දුරට රෝග පීඩා ගෙනදෙන සතියක් වේවි. නමුත් ආදායම් තත්ත්වය නම් ඉතා යහපත් වේවි. අපි දැන් බලමු මේ සියලු අනාවැකි වෙන් වෙන් වශයෙන්.Sri Lanka Latest News
ඔබගේ ආර්ථික තත්ත්වය සලකා බැලීමේදී ඉතා යහපත් ආකාරයෙන් ගතවේවි. නව ආදායම් මාර්ග උත්පාදනය වෙනවා සේම තිබෙන ආදායම් මාර්ග සරුවන කාලසීමාවකි. එසේම තැන්පතු ධනය වැඩිවන කාලයකි. හදිසි ධන ලාභ ලැබීමට වාසනාව පවතින බැවින් ඒවා සඳහා යොමුවීම වඩා උචිත වේ. ලොතරැයි ආදිය තමාගේ උපන් දිනය, එසේම තමන්ගේ දෛව අංකය ආදියට අදාළව මිලදී ගැනීම තුළින් ධන වාසනා ගුණය උරගා බැලිය හැකිය.
ගෘහ ජීවිතය සේම පවුල තුළ හිතවත්කම්වල යම් පලුද්දක් ඇතිවීමට ඉඩකඩ පවතී. නිතරම කල්පනාකාරීව මෙන්ම සම්මා සතියෙන්, එනම් නිවැරැදි සිහියෙන් යුතුව කටයුතු කිරීමට වගබලා ගන්න. සැකසංකා ආදිය මතුවීමට ඉඩකඩ පවතී. එමගින් සිත් පීඩා ආදියට ලක්විය හැකිය. වැඩිහිටි දරුවකුට යම් අනතුරුදායක තත්ත්වයක් උද්ගත වීමට පුළුවන. කල්පනාකාරීව කටයුතු කරන්න.
ගෘහය තුළ යම් පීඩාකාරී තත්ත්වයක් මතුවුවද රැකියාව හා රැකියා ස්ථානය සම්බන්ධව සුබදායක වේ. කාගේත් හොඳ හිත දිනාගෙන රාජකාරිය කිරීමට ලැබෙන සතියකි. ඔබ තුළ වූ හැකියාවන් මතුවනවා සේම ඒවාට හොඳ අගයකිරීමක් ලැබෙන කාලවකවානුවකි. රැකියා උසස්වීම් පවා ඒවා බලාපොරොත්තුවෙන් සිටි අයට ලැබේ. ඔබ තුළ යම් නිර්මාණාත්මක කුසලතාවන් වැඩිවන කාලයකි. තම ස්වයං අත්හදා බැලීම්වලට මෙන්ම ස්වයං රැකියා ආරම්භ කිරීමටද සුදුසු කාලයකි.
අධ්යාපනික කටයුතුලට යම් මධ්යස්ථ ස්වභාවයක් පවතින අතර, තරග විභාග ආදියට තරමක බාධාකාරී හේතු මතුවේ. නමුත් ඔබගේ චිත්ත ධෛර්යය වඩවාගෙන ඒවාට මුහුණ දීම තුළින් බාධක ජයගෙන ඔබට ජයග්රහණය උදාකරගත හැකිය.
ඔබගේ සෞඛ්යය පිළිබඳ නම් යම්තාක් දුරට ප්රවේශම්කාරී විය යුතුය. වාතය වැඩිවීමේ ස්වභාවයක් පවතී. කෑම බීම පිළිබඳ ඉතා සැලකිලිමත් විය යුතුවා මෙන්ම සන්ධි අමාරු, බඩ පුරවා දැමීමේ තත්ත්ව ආදිය ඇතිවීමේ වැඩි ප්රවණතාවක් පවතී.
එසේම ශරීර අභ්යන්තරයේ සැඟවී තිබූ රෝග පීඩා ආදිය මතුවීමට ඉඩකඩ පවතී. සෞඛ්යය පිළිබඳ සැලකිලිමත්ව කටයුතු කිරීම මගින් ඔබට මෙම සතිය ඵලදායීව ගතකිරීමට පුළුවන.
මනෝලි බණ්ඩාර
0779834889
