ලෝකයම ඩිජිටල් වෙද්දී ජ්යොතිෂයත් දැන් අමුතුම මුහුණුවරක් ගෙන තිබේ. අද පන්සල් ගානේ පූජා වට්ටි තියනවාට වඩා, තරුණයන් ඇතුළු බොහෝ දෙනෙක් කරන්නේ ජංගම දුරකතනය දෙස බලාගෙන ක්ෂණයකින් කෝටිපතියන් වීමේ හීන දැකීමයි. එක රැයකින් රජ වන්නට ගොස්, පසුදා උදෑසන වන විට තමන් සතු සියල්ල අහිමි කරගෙන ජීවිතයෙන් පවා සමුගන්නා පුවත් අද දිනපතා අසන්නට ලැබේ. බොහෝ දෙනෙක් මෙය සාමාන්ය ආර්ථික ප්රශ්නයක් ලෙස දැක්කද, මෙහි පිටුපස ඇත්තේ හිටිහැටියේ මිනිසුන්ව රජ කරවන සහ හිඟමනට වට්ටන අද්භූත ග්රහ සෙල්ලමකි. ජ්යොතිෂයට අනුව මෙවැනි ක්ෂණික ධනය, සූදුව සහ නොපෙනෙන ආයෝජන පාලනය කරන්නේ ‘මායාවේ රජු’ ලෙස හැඳින්වෙන රාහු ග්රහයාය. රාහු කියන්නේ මිරිඟුවකටය. ඔහු ඔබට පෙන්වන්නේ ඉතා ලේසියෙන් සල්ලි කන්දක් උඩ වාඩි වියහැකි බවයි. ඔබේ කේන්දරයේ රාහු අසුබ ස්ථානයක සිටියදී හෝ රාහුගේ අපල කාලවලදී ඔබ මෙවැනි “ක්වික් මනී” පසුපස ගියහොත්, සිදුවන්නේ ඔබේ දෛවය සුනේ සුන් වී අගාධයටම ඇද වැටීමයි. අද සමාජයේ සිදුවන බොහෝ මූල්ය වංචාවලට සහ මාර්ගගත සූදුවලට මිනිසුන් අසුවන්නේ මේ රාහුගේ “මායා දැලට” හසුවීම නිසා වන අතර, ඒ උගුල හඳුනා නොගන්නා ඕනෑම අයෙක් දෛවයේ සිරකරුවෙකු බවට පත්වීම වැළැක්විය නොහැක.Sri Lanka Latest News
ජ්යොතිෂ විද්යානුකූලව බලන කල රාහු යනු ශනි වත් රාහු (සෙනසුරු මෙන් ප්රතිඵල දෙන) ග්රහයෙකි. රාහු හතරවැන්නේ හෝ අටවැන්නේ ගමන් කරන කාලය තුළ පුද්ගලයාගේ තීරණ ගැනීමේ ශක්තිය සම්පූර්ණයෙන්ම ව්යාකූල කරවයි. විශේෂයෙන්ම වෘෂභ, වෘශ්චික, මිථුන සහ ධනු වැනි ලග්න හිමියන්ට රාහුගේ බලපෑම තදින් දැනෙන කාලවලදී සිතට එන පළමු සිතුවිල්ල වන්නේ ”කොහොම හරි ඉක්මනින් සල්ලි සෙවිය යුතුයි” යන්නයි. මේ සිතුවිල්ල පිටුපස ඇත්තේ රාහු මවන මෝහයයි. හඳහනක දෙවැන්න හෙවත් ධනස්ථානය සහ එකොළොස්වැන්න හෙවත් අයස්ථානය කෙරෙහි රාහුගේ දෘෂ්ටිය වැටෙන විට, පුද්ගලයා තමන් සතු ස්ථාවර තැන්පත් පවා විනාශ කරගනිමින් අවදානම්සහගත ආයෝජනවලට යොමු වේ. මෙය හරියට දැල්වෙන පහන් සිළුවකට අසුවන පළඟැටියෙකුගේ ඉරණම වැනිය. බාහිරින් පෙනෙන දිලිසෙන ලෝකය පසුපස හඹා ගොස් අවසානයේ තමන් සතු නිවස, දේපළ පවා උකසට තබන මට්ටමට රාහු විසින් පුද්ගලයා මෙහෙයවනු ලබයි. මෙය ජ්යොතිෂයේ එන ‘කර්ම විපාක’ දීමේ එක්තරා ක්රමවේදයක් බව බොහෝ දෙනා තේරුම් ගන්නේ සියල්ල අහිමි වූ පසුවය.
මෙම අද්භූත ග්රහ බලපෑම ක්රියාත්මක වන විට මිනිසාගේ බුද්ධිය අඳුරු වී යයි. පෙනෙන දේට වඩා නොපෙනෙන ලාභ ගැන සිතන්නට හිත පොලඹවයි. රාහුගේ මේ මාරක අපලය සුනේ සුන් කර දැමීමට නම් ඔබ කළ යුත්තේ මායාවෙන් මිදී යථාර්ථය වැලඳ ගැනීමයි. දහඩිය මහන්සියෙන් යමක් ගොඩනගන මිනිසාට රාහුගේ මාරක අපල කිසිම දිනක බලපාන්නේ නැත. රාහු සැමවිටම උත්සාහ කරන්නේ ඔබේ ලෝභකම අවදි කරවන්නටය. “අතට එන දේ මිසක් මිරිඟුව පස්සේ යන්නේ නැහැ” කියලා තීරණයක් ගැනීමම රාහුගේ අපලයට දෙන ලොකුම බැටයයි. විශේෂයෙන්ම මේ දවස්වල රාහුගේ ගමන් මඟ නිසා බොහෝ දෙනෙක් නොපෙනෙන උගුල්වල අසුවෙමින් සිටිති. මෙවැනි කාලයකදී අපලවලින් බේරීමට පූජා වට්ටියකට වඩා වැදගත් වන්නේ ඔබේ විඥානය අවදි කර ගැනීමයි. ඕනෑම ආයෝජනයකදී හෝ සම්බන්ධතාවයකදී දෙවරක් සිතන්න. රාහුගේ බලපෑම ඇති විට මිනිසාට වැරදි දේ නිවැරදි ලෙස පෙනෙන්නට ගනී. ඔබේ හිතේ ක්ෂණික ධනය ගැන අධික ආශාවක් ඇති වෙනවා නම්, එය රාහුගේ ”රතු එළියක්” බව තේරුම් ගන්න. රාහුට විරුද්ධව ඉන්නේ බුද්ධිය සහ අධ්යාත්මය නියෝජනය කරන කේතුය. ඔබ ආගමික කටයුතුවලට සහ භාවනාවට හිත යොමු කරන විට, රාහු මවන මායාවන් ඔබට පැහැදිලිව පෙනෙන්නට ගනී. එතකොට ඔබ කෙදිනකවත් එවැනි උගුල්වල අසු වන්නේ නැත.
ප්රායෝගික ජ්යොතිෂ ප්රතිකර්ම ලෙස රාහුගේ අපල කාලවලදී ශිව දෙවියන් උදෙසා වත්පිළිවෙත් කිරීම, අබ තෙල් මිශ්ර පහන් දැල්වීම සහ නිල් හෝ කළු වර්ණයෙන් යුත් අසරණ සතුන්ට ආහාර ලබා දීම අතිශයින්ම ගුණදායකය. එහෙත් ඒ සියල්ලටම වඩා බලවත් වන්නේ තම සිත පාලනය කරගැනීමයි. රාහු යනු හිස පමණක් ඇති ග්රහයෙකි. ඔහුට කඳක් නැත. එනම් ඔහුට සෑහීමකට පත්වීමක් නැත. ඔබ කෝටියක් ලැබුවත් රාහු පවසන්නේ ඊළඟ කෝටිය සොයන ලෙසයි. මේ අසීමිත තෘෂ්ණාව පාලනය නොකරන තාක් ඕනෑම හඳහනක ඇති සුබ යෝග පවා නිෂ්ඵල වීමට ඉඩ ඇත. ග්රහයන් කරන්නේ අපට මඟ පෙන්වීමක් පමණක් බව අමතක නොකළ යුතුය. දෛවය ලියවෙන්නේ අපේ ක්රියාවන් මතය. රාහුගේ මාරක සෙල්ලම දෙස බියෙන් බලා සිටිනවා වෙනුවට, තමන්ගේ ඇතුළාන්තයේ ඇති ලෝභකම සහ දුර්වලතා හඳුනාගෙන වඩාත් ශක්තිමත් පෞරුෂයකින් යුතුව නැගී සිටීමට අදිටන් කර ගන්න. මේ කාලය ඔබව වට්ටන කාලයක් නොව, මායාවෙන් මිදී ඔබව අලුතින්ම නිර්මාණය කරන කාලයකි. බය වෙලා හැංගිලා හිටියොත් වෙන්නේ දෛවය විසින් ඔයාව තවත් පාගන එක විතරයි. ඒ වෙනුවට කොන්ද කෙළින් තියාගෙන, දූරදර්ශී සැලසුමක් ඇතුව වැඩේට බැස්සොත් රාහුගේ අපල පරදා ජීවිතය ජයගත හැකියි. මතක තබාගන්න, අහසේ තරුවලට ඔබේ ගමන පෙන්වන්න පුළුවන්, හැබැයි ඒ ගමන ජයග්රහණයෙන් නිමා කරන්න ඕනෙ ඔබමයි. සූදානම් වන්න, මේ ඔබ වැටෙන කාලය නොව, අභියෝගවලට බැට දීලා අළු දූවිලි මතින් රජෙක් වගේ නැගීසිටින කාලයයි! යමෙක් තමන්ගේ හඳහනේ තියෙන මේ උගුල හඳුනාගෙන බුද්ධිමත්ව පියවර තබන්නේද, ඔහුට කිසිදු ග්රහ සෙල්ලමකින් හානියක් කළ නොහැක.
ඔස්මන් පෙරේරා
