ලාල් වීරසිංහයන් විසින් අධ්යක්ෂණය කළ රැයක් හෝ පැයක් චිත්රපටයේ ප්රධාන චරිතයට පණ පොවන නොෂින් ද සිල්වාගේ පළමු චිත්රපට අත්දැකීම, ඇයගේ අලුත්ම තොරතුරු කතා කරන්න මව්රට ‘හාට්’ අපි හිතුවා…Sri Lanka Latest News
ඔබේ පවුල ගැන අපි මුලින්ම කතා කරොත්?
අම්මයි මල්ලියි තමයි මගේ පවුලේ ඉන්නේ. මම විවාහ වෙලා නෑ.
ඔබ මේ වනවිට වෙනත් රැකියාවක නිරත වෙනවද?
ඔව් මම ඉගෙන ගත්තේ International business Management. මම Finance Director කෙනෙක්. ඒ වුණාට දැන් මගේ fashion එක acting.
කොහොමද මේ දවස්වල ඔබේ වැඩ කටයුතු?
ඔව් අපේ අලුත්ම movie එක රැයක් හෝ පැයක්. ඒකෙදි මම main character විදිහට ඉන්නවා. ඒකට මට හරි සතුටුයි. ඔක්තෝබර් 30 movie එක එනවා. ඒ වෙනුවෙන් අපි ගොඩක් දේවල් කළා. ඒකට ඉතින් මට හරි සතුටුයි.
කොහොමද ඔබ සිනමා කලාවට පිවිසෙන්නේ?
මම චෙන්නායිවලදී මම action work shopඑකක් කරා. ඒක මම මගේ ආසාවට කළේ. ඇමෙරිකාවෙත් show එකක් කරලා තියෙනවා. ඒක නිසා මම තව ටිකක් මේ කේෂ්ත්රය හදාරන්න කියලා චෙන්නායිවල work shop එකකට සම්බන්ධ වුණා. එතනින් තමයි MR. ලාල් වීරසිංහ හම්බවුණේ. එයා මාව දැකලා එයාගේ movie එකට main character එකට හොඳයි කියලා තෝරගත්තා.
ඔබේ පළමු චිත්රපටය තුළදී ඔබ ලබාගත්ත අත්දැකීම් මොනවාද?
මේක මගේ පළමුවැනි ෆිල්ම් එක. ඒ වුණාට මම පොඩි කාලේ ඉඳලා කලාවට ආස කෙනෙක්. මම dancing, signing, Acting කරලා තියෙනවා. ජපානේදී, ඇමෙරිකාවේදී commercial, Modeling ඒ වගේ දේවල් කරලා තියනවා. ඒ වුණාට මම ගොඩක්ම Focus කළේ මගේ studies. දැන් ඒ ඔක්කොම ඉවර වුණා. ඒක නිසා මම ආසයි acting කරන්න.
ඔබේ පළමු චිත්රපටය තුළදී ඔබ ලබා ගත්ත අත්දැකීම් මොනවද?
මේ character එකේ මම act කරන්නේ අම්මා කෙනෙක් විදිහට. මම ඇත්ත ජීවිතේ අම්මා කෙනෙක් නෙවෙයි. ඒ උනාට මට හරි ආස හිතුනා මේ character එකට. මගේ ජීවිතයට හරිම වෙනස් දෙයක් මේක. මම ගොඩක් character එක analysis කරලා act කළේ. ඒකට මට හරි ආඩම්බරයි.
චන්න පෙරේරා වගේ ජ්යෙෂ්ඨ රංගන ශිල්පියෙක් එක්ක ඔබට රඟපෑමට අවස්ථාව ලැබුණා. ඒ අත්දැකීම මොන වගේද?
චන්න පෙරේරා කියන්නේ මම ගොඩක් කැමති කෙනෙක්. මම ඉස්සර ඉඳලම එයාගේ හොඳ රසිකයෙක්. ඒක නිසා මට හරි සතුටුයි මට එයත් එක්ක act කරන්න අවස්ථාව ලැබුණු එකට. එයා on screen, off screen වලදී එකම කෙනෙක්. අපි කට්ටිය ඔක්කොම එකට shooting ගියා. හරිම වැදගත් කෙනෙක්. කරුණාවන්ත කෙනෙක්. මට හරිම පහසු වුණා එයත් එක්ක act කරන එක.
ඔබ ටෙලි නාට්ය කලාවටත් පිවිසෙන්න බලාපොරොත්තුවක් තියෙනවද?
ඔව් මම ආසයි. මම cinema එකක් තෝරා ගන්නේ මම ඒ character එකට ආස වුණාම. මම හොඳට ඒ character එක ගැන හිතන කෙනෙක්. මම කැමතියි නොෂින් කිව්වම මෙයාගේ character හොඳයි. මෙයා ඉන්න movies, projects, works ඔක්කොම හොඳයි කියලා කියනවට.
ඔබේ ඉදිරි වැඩකටයුතු මොනවද? තවත් සිනමා නිර්මාණයක් එන්න තියෙනවද?
ඔව් මම කරලා තියෙනවා දකුණු ඉන්දියන් cinema වල movie එකක්. ඒ වගේම තව project කිහිපයක්ම කරලා තියෙනවා. කරගෙන යනවා. ඉතින් තව ඉදිරියට මගේ නිර්මාණ බලාගන්න පුළුවන්.
කෞෂල්යා ලක්මිනි
