වේදිකාව හරහා රංගන ක්ෂේත්රයට පා තැබූ දක්ෂ රංගන ශිල්පිනියක් විදියට රෙබෙකා දිල්රුක්ෂිව හඳුන්වන්න පුළුවන්. රෙබෙකා මේ දිනවල ටෙලිනාට්ය රැසක විවිධ චරිත නිරූපණය කරනවා අපිට දැකගන්න පුළුවන්. ඉතින් ඒ නිර්මාණ වගේම ඇගේ අලුත්ම තොරතුරු ගැන දැනගන්නත් එක්ක ‘හාට්’ අපි රෙබෙකාව සම්බන්ධ කරගත්තේ මේ විදියටයි.Sri Lanka Latest News
රෙබෙකා අලුත් ගෙදරකට ගොඩවුණා නේද?
ඔව්. ඔයා මේ අහන්නේ ‘පට්ටි ගෙදර’ ගැන වෙන්න ඇති. ඒ මගේ අලුත්ම ටෙලිනාට්යය. එය වෙනස්ම රහක් ඇති වැඩක්. හරිම ආශාවෙන් සම්බන්ධ වුණු නිර්මාණයක්.
ඉතින් කියමුකෝ බලන්න ඒ වෙනස්ම රසය ගැන?
ඒ රසය විඳින්න ඕනෙ මගේ ආදරණීය ප්රේක්ෂක පිරිස තමයි. ඔවුන්නේ ඒකේ රසය දන්නේ. ඒ ගැන මම කැමැති ප්රේක්ෂක ප්රතිචාර සමගම දැනගන්න.
රසට පදම් කළ තවත් නිර්මාණවල ඔබගේ දක්ෂතා අපි දැක්කා. ඒ ගැනත් පැවැසුවොත්?
සසංකාරා ටෙලිනාට්යය පසුගියදා අවසන් වුණා. ඉතා හොඳ ප්රේක්ෂක ප්රතිචාර සමස්තයක් වශයෙන් මුළු නාට්යයටම ලැබුණා. ඒ ගැන සතුටුයි. රාග ටෙලානාට්යයෙත් සසංකාරා ටෙලිනාට්යයට වඩා වෙනස් චරිතයක් කරන්නේ. හැබැයි ඉතින් හොඳයි ප්රතිචාර. මේ දවස්වල තවත් අලුත් නිර්මාණ කිහිපයකට සම්බන්ධ වෙලා වැඩ කරගෙන යනවා.
කොච්චර මහන්සි වුණත් වැඩක් නැහැ නේද ප්රේක්ෂක පිරිස සතුටු නැත්නම්?
අනිවාර්යයෙන්. මම බලන්නේ ප්රේක්ෂකයන්ගේ සතුට. අපි කොච්චර මහන්සි වෙලා දිවා රෑ නොබලා කැපකිරීම් කළත් වැඩක් නැහැ ප්රේක්ෂකයන්ට සතුටක් නැත්නම්. අපි හැම දේම ඉවසාගෙන කරන්නේ ඔවුන්ගේ සතුට වෙනුවෙන්. අපි මේ ක්ෂේත්රයේ රැඳිලා මේ තරම් ඉන්නෙත් ඔවුන්ගේ ඒ ආදරය පිළිගැනීම නිසයි.
මුදලට සීමාවුණු රංගන ශිල්පිනියක් නෙවෙයිද ඔබ ඒ කියන්නේ?
මුදල් බලාගෙන චරිත නිරූපණය කරන කෙනෙක් නෙවෙයි මම. මගේ සිහිනයක් තිබුණේ රංගන ශිල්පිනියක් වෙන්න. අද ඒ සිහිනය සැබෑ වෙලා. ඒ ගැන මට සතුටුයි. මම වෘත්තිය විදියට කලාව කරන්නේ නැහැ. මුදල් හඹාගෙන මේ වෘත්තිය කරන්න බැහැ. අපි ක්ෂේත්රයට සම්බන්ධ වෙන්නේ මේ හැම දේම තේරුම් අරගෙන. ඉතින් ප්රශ්න ආවත් ඒ සියල්ල ඉවසාගෙන මම වැඩ කරගෙන යනවා. මගේ සැමියා මට දෙන සහාය ඒ දෙන විශ්වසනීය ආදරය මේ හැම දේටම වඩා මට වටිනවා. ඒ හොඳට ඇති මට. මගේ ගමන මම ඉතින් හෙමින් යනවා.
කොහොමද ඉතින් ඔබ වේදිකාවත් සමග අනෙකුත් වැඩ කරගෙන යන්නේ?
හැම දේම ඉතින් සැලසුමක් ඇතිව කරගෙන යනවා. මේ දවස්වල අලුත් වේදිකා නාට්යයක පුහුණුවීම් කරගෙන යනවා. වේදිකාවෙන් මම ගොඩක් දේවල් ඉගෙන ගත්තා. වේදිකාවට මම පුදුම ආදරයක් තියෙන්නේ. මගේ පෞද්ගලික වැඩ පවා මගහරවාගෙන මම පුහුණුවීම්වලට යනවා.
සිනමාවෙත් ඔබේ දායකත්වයක් අපි දකිනවා?
ඔව්. සමීර නාඹුවත්තගේ ‘වයිෂ්’ චිත්රපටය ළඟදීම තිරගත වෙනවා. මට වැඩිහරියක්ම රඟපාන්න තිබුණේ හේමාල් රණසිංහ සමගයි. හේමාල් සමග මම රඟපාන පළමු අවස්ථාව තමයි මේ. ඔහු මම දකින්නේ පොළොවේ පයගහලා ඉන්න සුන්දර මිනිසෙක් විදියට. අපේ චරිතයට වුණත් උපරිම සාධාරණයක් කිරීමට කැපවෙන කෙනෙක්. හරිම පහසුවෙන් තමයි මම ඔහු සමග රඟපෑවේ.
වසන්ත විතාරණගේ
