ශ්රී ලංකාවේ වඩාත් විශ්වසනීයතම හා ශීඝ්රයෙන්ම වර්ධනය වන සාමාන්ය රක්ෂණ ආයතනයක් වන පීපල්ස් ඉන්ෂුවරන්ස් පීඑල්සී, 2025 ජූලි 28 දින නුගේගොඩ දී තම ශාඛා ජාලයට නව ශාඛාවක් එකතු කළ බව ඉතා ආඩම්බරයෙන් යුතුව නිවේදනය කරයි. අංක 555, හයිලෙවල් පාර, ගංගොඩවිල, නුගේගොඩ යන ස්ථානයෙහි පිහිටා ඇති මෙම නව ශාඛාව මඟින් කොළඹට තදාසන්න ප්රදේශවල වර්ධනය වන පාරිභෝගික ප්රජාව හට වඩාත් කාර්යක්ෂම සේවාවක් සැපයීමට බලාපොරොත්තු වේ.
මෙම අවස්ථාවේ දී මේ පිළිබඳව අදහස් දක්වමින් පීපල්ස් ඉන්ෂුවරන්ස් පීඑල්සී හි ප්රධාන විධායක නිලධාරීනි, ජීවනී කාරියවසම් මහත්මිය මෙසේ සඳහන් කළාය.
“විශ්වාසය සහ නව්යකරණය මත ගොඩනැගුණු ආයතනයක් ලෙස, ජනතාවට කාර්යක්ෂම සාමාන්ය රක්ෂණ සේවා සැපයීමට අප නිරතුරුවම කැපවී සිටිනවා. මෙම නව ශාඛාව මගින් අපගේ නුගේගොඩ සහ ආසන්න ප්රදේශවල ගනුදෙනුකරුවන් හට විශිෂ්ටත්වයෙන් යුතු සේවාවක් ලබා දීමට බලාපොරොත්තු වෙනවා.”
මෙම නව ශාඛාව නවීන පහසුකම්වලින් සහ සේවයට කැපවූ පළපුරුදු වෘත්තීය කණ්ඩායමකින් සමන්විත වන අතර, තනි පුද්ගල සහ ආයතන මට්ටමේ සේවාදායකයින් යන දෙපිරිසටම කඩිනම් සහ කාර්යක්ෂම සේවාවක් සැපයීමට සූදානමින් සිටී.
2025 වසර සඳහා ශ්රී ලංකාවේ විශිෂ්ටතම සාමාන්ය රක්ෂණ ආයතනය ලෙස The Global Economics මගින් අඛණ්ඩව දෙවන වසරටත් පිදුම් ලැබීම තුළින් පාරිභෝගිකයන් ආයතනය කෙරෙහි තිබූ නොබිඳුණු විශ්වාසය මනාව පිළිබිඹු කරයි. එසේම, ෆිච් ශ්රේණිගත කිරීම්වල A- සිට A දක්වා වර්ධනය වීම මගින් තහවුරු වනුයේ ආයතනයේ ශක්තිමත් මූල්ය පදනමයි.
කාර්යක්ෂම සේවාවක් සහ විශ්වසනීයත්වය පිළිබඳ ජනතා විශ්වාසය දිනූ පීපල්ස් ඉන්ෂුවරන්ස් ආයතනයෙහි සේවාවන්, නුගේගොඩ සහ අවට ප්රදේශවල පාරිභෝගිකයන්ට ඔවුන්ගේ සමීපයේදීම අත්විඳින්නට දැන් අවස්ථාව උදා වී ඇත.
