ඉසුරු දේශානි ප්රේමණීය පලහිලව්ව ගැන දැන් නොදන්න කෙනෙක් නැති තරම්ය. ඉසුරු කොතැනද, දේශානි එතැන. දේශානි කොතැනද, ඉසුරු එතැන. මේ දෙන්නගේ ආදර කතාව මාරම රොමැන්ටික්. ඒ රොමැන්ටික් බව හින්දමද මන්දා ඒ ආදරයට සමහරු තදින් ඊරිසියා කරනවා. සෝෂල් මීඩියාවල හුඟක් කට්ටිය මේ ආදරය ගැන විවේචනය කරන්නත් ගත්තා. Sri Lanka Latest News
‘අපරාදේ… දේශානිට ඉසුරුට වැඩිය හොඳ ලයිෆ් පාට්නර් කෙනෙක් හොයාගන්න තිබුණා…’
ඉහත කියපු විවේචනවල වැඩියෙන්ම තිබුණේ ඒ අදහස තමයි. ඉසුරු ඒ කතාව ගැන හීනියට වගේ අමනාපයක් පෙන්නුවත් දේශානිට නම් ඒ ගැන ගානක් තිබුණේ නැහැ.
බොහෝ දෙනා කිව්වේ, ‘ඔය දීගෙට නම් වැඩි ආයුෂ නැහැ ඕං. බලාපල්ලා ඉසුරුවට වෙන දේ…’ කියලයි. ඒත් ඉතින් ඉසුරුයි දේශානියි කපල් එක එයාලගේ ආදර කතාව සහ බැඳීම ගැන හුඟක් ආඩම්බරෙන් සහ විශ්වාසෙන් කතා කරනවා.
‘මගේ ජීවිතේට ලැබිලා තියෙන ලස්සනම ආදරය මාර්කට් කරන්නවත් ජනප්රියත්වය වෙනුවෙන් විකුණගෙන කන්නවත් මට ඕනෙ නැහැ. මම ඒ තරම් බංකොලොත් තත්ත්වයට වැටිලා නැහැ. දේශානි කියන්නේ මගේ හැබෑ ආදරය. අපේ ආදර කතාව ඇත්තක්. අපි දෙන්නා කසාද බඳින්නයි ඉන්නේ…’
ඉසුරු යූටියුබර් කෙනෙක් ඉදිරියේ තම අදහස් විවෘත කෙරුවේ එහෙමයි. අනෙක ඔහු හරිම හැඟීම්බරව තව එක දෙයක් විශේෂයෙන් කිව්වා. ඒ තමයි දේශානිගේ වාසනාව ගැන. දෙශානි තමන්ගේ ජීවිතයට ළං වෙච්ච දා ඉඳන්ම තමන්ගේ මොකක්දෝ වාසනා මහිමයක් ඔහු වටා දැවටෙනවා කියලා ඔහු කිව්වෙත් ප්රසිද්ධියෙමයි. ඇයව ළඟ තියාගෙන ඔහු එහෙම කියනකොට ඇගේ අස්වල සතුට නළියන්න ගත්තා.
‘ඇත්තටම ඉසුරු අයියා හුඟක් හොඳ කෙනෙක්. ඔහු මට ශක්තියක්. ඔහුව තෝරාගත්ත එක ගැන මම හුඟක් ආඩම්බර වෙනවා…’
දේශානි එහෙම කිව්වා.
කවුරු කොහොම මොනවා කිව්වත් ඒ දෙන්නගේ ආදරය එයාලට වටිනවා නම් තම තමන් මැචින් කපල් එකක් කියලා එයාලට හිතෙනවා නම් කාටවත් මොකද ඉතින්.
ඒ නිසාම ඔන්න ‘මව්රට’ ‘හාට්’ එකෙන්ම ඉසුරුටයි, දේශානිටයි අපිත් සුබ පතනවා.
මල්මි කෞශල්යා
