පසුගිය සතියේ අලුත් ටෙලියක වංහුං ගැන අපි ඔබට කිව්වා. මේ සතියේ ඒ ‘ඉර හැංගිලා’ ටෙලියේ අධ්යක්ෂ චාරුක දිල්හාර අරණායක සමග ‘මව්රට’ හාට් කළ සුහද පිළිසඳරකි මේ.
චාරුක, ඔබේ අලුත්ම ටෙලි නිර්මාණය වන ‘ඉර හැංගිලා’ට ලැබෙන ප්රතිචාර කොහොමද?
මම හිතුවේ නැහැ මේ තරම් හොඳ ප්රතිචාර ලැබෙයි කියලා. ලැබෙන ප්රතිචාරත් සමග මම හිතනවා මම ගත්ත උත්සාහය සාර්ථකයි කියලා.
මෙවැනි කතා තේමාවක් ඔබේ හිතට නැගුණේ කොහොමද?
වැවට, ගමට එහි ඇති සුන්දරත්වයට කැමැති කෙනෙක් මම. ගමක ඉපදුණු කෙනෙක් මම. ඉතින් මම හිතුවා මම ලබපු, දැකපු සියල්ල එකතු කරගෙන හොඳ නිර්මාණයක් කරන්න. ඉතින් මගේ අදහස් සමග සුනෙත් වර්ණසූරිය හොඳ තිර පිටපතක් මට රචනා කරලා දුන්නා.
වර්තමානයේ නිර්මාණයකට නිෂ්පාදකවරයකු එකතු කරගැනීම අසීරුයි?
ඔබේ අදහස මම පිළිගන්නවා. මම මුලින්ම කලා ක්ෂේත්රයට සම්බන්ධ වෙන්නේ දෙවැනි සහාය අධ්යක්ෂවරයකු ලෙස. මම නිර්මාණ කිහිපයකම ඒ විදියට වැඩ කළා. ඒ ලබපු අත්දැකීම් එක්ක මගේ ලොකු බලාපොරොත්තුවක් තිබුණා මැද මාවතේ නිර්මාණයක් කරන්න. මුදිත දිනේෂ් අපේ කාලේ මගෙ සිහිනයට ශක්තියක් වුණා.
ඉර හැංගිලා ටෙලි නාට්යය හැඩකිරීමට ශිල්පීන් තෝරාගැනීමේදී විශේෂත්වයක් දැක්වූවාද?
තිර පිටපත් රචක සුනෙත් සමග කතාබහ කරලා චරිතයට ගැළපෙන ශිල්පීන් තෝරාගැනීමේදී විශේෂත්වයක් දැක්වූවා. මම තෝරාගත්ත සියලු ශිල්පීන්ගෙන් චරිතවලට හොඳ සාධාරණයක් වෙලා තියෙන එක ගැන සතුටුයි.
ඉර හැංගිලා ටෙලි නාට්යයත් සමග ඔබ තවත් අලුත් ගමනකට සූදානම් වෙන බව ආරංචියි?
ඔව්. තවත් අලුත් නිර්මාණයක් කිරීමට ලොකු බලාපොරොත්තුවක් තියෙනවා. දැනටමත් එහි වැඩ කටයුතු සාකච්ඡා කරමින් ඉන්නේ.
වසන්ත විතාරණගේ
