සම්පත් බැංකුව virtual වාර්ෂික මහා සභා රැස්වීම සාර්ථකව අවසන් කරයි

සම්මතයෙන් ඔබ්බට යමින් සම්පත් බැංකුවේ 34 වැනි වාර්ෂික මහා සභා රැස්වීම virtual ක්‍රමවේදයන් ඔස්සේ පසුගියදා සාර්ථකව අවසන් විය. රටක් ලෙස Covid-19 පැතිරීම අවම කිරීමේ ප්‍රයත්නයට අනුව යමින් සම්පත් බැංකු කොටස්හිමියන්ගේ සෞඛ්‍ය හා ආරක්ෂණ තත්ත්වය තහවුරු කිරීම වෙනුවෙන් මෙම සුවිශේෂී පියවර අනුගමනය කරනු ලැබීය. එහිදී ‘Zoom video’ සන්නිවේදන යෙදුම හරහා සම්පත් බැංකුවේ ප්‍රධාන කාර්යාලයේ සිට එහි කොටස්හිමියන් හා සම්බන්ධ වෙමින් කිසිදු බාධාවකින් තොරව වාර්ෂික මහා සභා රැස්වීම සජීවීව පැවැත්විණි. මෙරට බැංකු ක්ෂේත්‍රයේ බොහෝ දේ ප්‍රථම වරට හඳුන්වාදීමේ ප්‍රමුඛයා වන සම්පත් බැංකුවේ තවත් විශිෂ්ට හදුන්වාදීමක් ලෙසද මෙය පෙන්වා දිය හැකිය.

එක්සත් ජනපදය පදනම් කරගත් ප්‍රමුඛ පෙළේ අන්තර්ජාල (ඔන්ලයින්) ඡන්ද ක්‍රමයක් වන ‘eBallotZ’ හරහා කොටස්හිමියන්ට ඡන්ද ප්‍රකාශ කිරීමට ඉඩහසර සලසන තාක්ෂණයද බැංකුව විසින් භාවිත කරන ලදී. සම්පූර්ණ රහස්‍යභාවය ආරක්ෂා කර ගනිමින් සුරක්ෂිත පරිශීලනයන් සමඟ ක්ෂණික ප්‍රතිඵල මෙහිදී ඉදිරිපත් කෙරිණි. ශ්‍රී ලංකාවේ මහා සභා රැස්වීමකදී මෙම තාක්ෂණය මේ අයුරින් භාවිත කළ පළමු අවස්ථාවද මෙය විය හැකිය.
මෙම රැස්වීමේදී 2019 මූල්‍ය වර්ෂය සඳහා එක් කොටසකට රුපියල් 11.75ක් බැගින් වූ රුපියල් බිලියන 4.5ක මුදලක් අවසන් ලාභාංශය ලෙස ගෙවනු ලබන බව ප්‍රකාශ විය.