JW ORG තාක්ෂණය මගින් සිතට සුවය

කොවිඞ්-19 වසංගතය ලොව වටා පැතිර යෑමත් සමඟ ලොව පුරා බැතිමතුන්ට තම තමන්ගේ ආගමික මධ්‍යස්ථානවලට ගොස් තම ආගමික වතාවත් කිරීමට අවස්ථාව නොලැබුණි සමාජ දුරස්ථභාවය සම්බන්ධයෙන් රජය විසින් පැනවූ නීතිවලට කීකරු වෙමින් බොහෝදෙනෙකුට තමන්ගේ නිවෙස්වලම සිට ආගමික කටයුතුවල නිරත වෙන්න අන්තර්ජාලය ඔස්සේ විශේෂ සැලැස්මක් දියත් කෙරිණි. ඊට තම නිවෙස්වල සිට සම්බන්ධ වූ සංඛ්‍යාවේ කැපී පෙනෙන වැඩි වීමක් සිදු වී තිබෙන බව යෙහෝවා දෙවිගේ සාක්ෂිකරුවන් සඳහන් කර සිටියි.

භාෂා 1000කට වැඩි ගණනකින් තිබෙන JW.ORG වෙබ් අඩවිය භාවිත කරන අයගේ සංඛ්‍යාව මෙම වසංගතය ආරම්භයේ සිට ඉහළ ගොස් ඇත. සාමාන්‍යයක් වශයෙන් මෙම වෙබ් අඩවියට දවසකට මිලියන දෙකක පමණ පිරිසක් පිවිසෙන බව පෙබරවාරි මාසයේදී දක්නට ලැබිණි. මාර්තු මාසය වන විට මෙම සංඛ්‍යාව මිලියන තුන ඉක්මවා ගොස් ඇත. එම සංඛ්‍යාවද අභිභවමින් අප්‍රේල් 7වෙනිදා මිලියන 7කට වඩා වැඩි පිරිසක් JW.ORG වෙබ් අඩවියට පිවිස ඇත. මෙයට හේතු වී ඇත්තේ, එදින ලොව පුරා සිටින මිලියන සංඛ්‍යාවක් ක්‍රිස්තියානි යේසුස් ක්‍රිස්තුස්ගේ මරණය සිහි කිරීමයි.