සිංහල රිදී තිරයේ නවතම චිත්රපටය වන ‘හවුස් ෆුල්’ (HOUSE FULL) වෘතාන්ත චිත්රපටයේ විශේෂ මාධ්ය දර්ශනයක් පසුගියදා කොළඹ වන් ගෝල්ෆේස් හි පිහිටි PVR සිනමා සංකීර්ණයේදී පවත්වන ලදී. විනෝදාත්මක චිත්රපටයක් ලෙස සැලකෙන මෙම සිනමා නිර්මාණය, පවුලේ සැමට එකට සිට නැරඹිය හැකි ගනයේ චිත්රපටයක් ලෙස සැලකෙයි. Sri Lanka Latest News
දෙස් විදෙස් ව්යාපාර ක්ෂේත්රයේ නිරතව සිටින ප්රකට ව්යාපාරිකයකු වන මොහාන් පෙරේරා විසින් නිෂ්පාදනය කර ඇති මෙම චිත්රපටය අධ්යක්ෂණය කර ඇත්තේ සිනමා නිර්මාණ රැසක් මෙරට රිදී තිරයට දායාද කර ඇති ලාල් ප්රියදේව විසිනි. මෙම චිත්රපටයේ සම නිෂ්පාදනය සුනිල් ටී. ප්රනාන්දු සහ ගිහානි වීරසිංහගෙනි. සිංහල සිනමාවේ ඉතා ජනප්රිය තරුණ රංගන ශිල්පීන් දෙදෙනකු වන ඉසුරු ලොකුහෙට්ටිආරච්චි සහ චූලක්ෂි රණතුංග ප්රධාන චරිත රඟති. ඔවුන්ට අමතරව මෙරට රිදී තිරයේ ප්රවීණතම රංගන ශිල්පියකු වන ජීවන් කුමාරතුංගද ප්රධාන චරිතයක් නිරූපණය කරයි.
‘හවුස් ෆුල්’ චිත්රපටය ‘තව්තිසා චිත්රපට’ සමාගමේ නිෂ්පාදනයකි.
ප්රියන්ත හෙට්ටිගේ
