කප්රුක අත්‍යාවශ්‍ය භාණ්ඩ IDH රෝහල් කාර්ය මණ්ඩලයේ නිවෙස්වලට බෙදාහරී

මෙරට අන්තර්ජාලය ආශ්‍රිත වාණිජ කටයුතු ක්ෂේත්‍රයේ (e-commerce) ප්‍රමුඛතම ආයතනය වන කප්රුක සමාගම කොවිඞ් 19 වෛරසය මැඩ පැවැත්වීම සඳහා ප්‍රමුඛතම දායකත්වයක් දක්වන ජාතික බෝවන රෝග විද්‍යායතනයේ (IDH රෝහල) සේවය කරන 600කට අධික සේවක පිරිස සඳහා අලුත් අවුරුදු සමය වෙනුවෙන් අවැසි අත්‍යාවශ්‍ය ඔවුන්ගේ නිවෙස් වෙත ගොස් පරිත්‍යාග කිරීමට කප්රුක පියවර ගන්නා ලදී.

කෝවිඞ් 19 වෛරසය සමග සෘජුව සටන් වදිමින් රෝහල් කාර්ය මණ්ඩලය ඉටුකරන ජාතික වගකීමට හරසර දැක්වීමක් ලෙස මෙම පරිත්‍යාගය ඔවුන්ගේ නිවෙස් වෙත ගොස් භාරදීමට කප්රුක සමාගම කටයුතු කල අතර මෙම ව්‍යාපෘතිය සඳහා කප්රුක සමාගමේ ප්‍රධාන විධායක නිලධාරී දුලිත් හේරත්, ප්‍රධාන විකුණුම් නිලධාරී ලලිත් සී. පෙරේරා, මෙහෙයුම් අධ්‍යක්ෂ ඇලැක්සැන්ඩර් සිවකුමාර් සහ විකුණුම් කළමනාකාර සුරේෂ් එරන්ද යන මහත්වරුන් මූලිකත්වය ගන්නා ලදී. එමෙන්ම IDH රෝහලේ අධ්‍යක්ෂ වෛද්‍ය හසිත අත්තනායක, නියෝජ්‍ය අධ්‍යක්ෂ වෛද්‍ය චින්ත වීරසූරිය, සහ කායික රෝග විශේෂඥ වෛද්‍ය ආනන්ද විජේවික්‍රම යන මහත්වරුන් මෙහි සමාරම්භක අවස්ථාවට එක්වූහ.