පෝට්සිටි වෙතින් රු. ලක්ෂ 60කට අධික ද්‍රව්‍යමය පරිත්‍යාග

පැතිරී යාමේ දැඩි අවධානමක් සහිත කොරෝනා (covid-19) වසංගත තත්ත්වය මධ්‍යයේ වුවද මුළු රටටම අත්‍යවශ්‍ය ආහාර ද්‍රව්‍ය බෙදාහැරීමේ නිරත කොළඹ මැනිං තොග වෙළඳපොළේ දෛනික කටයුතුවල යෙදෙන්නන්ගේ සුරක්ෂිතතාව වෙනුවෙන් මුඛ හා අත් ආවරණ තොගයක් පරිත්‍යාග කිරීමට කොළඹ වරාය නගර (පෝට්සිටි) ව්‍යාපෘතිය කටයුතු කළේය.

මේ සමගම කොළඹ මැනිං වෙළෙඳපොළේ දෛනික කටයුතු අධීක්ෂණයට ලක් කරන ශ්‍රී ලංකා පොලිසියේ නිලධාරීන්ගේ ප්‍රයෝජනය පිණිසද විශේෂ මුඛ හා අත් ආවරණ තොගයක් පරිත්‍යාග කිරීමට කොළඹ වරාය නගර ව්‍යාපෘතිය කටයුතු යොදා තිබුණි. මීට අමතරව තවත් මුඛ හා අත් ආවරණ ද ඇතුළත්ව විශේෂ පෞද්ගලික ආරක්ෂණ උපාංග විශාල තොගයක් ඉදිරි සතියේදී රෝහල් සහ අනෙකුත් අත්‍යවශ්‍ය සේවා රාජකාරිවල නිරතවන්නන් වෙත ලබාදීම සඳහා සෞඛ්‍ය අමාත්‍යාංශයට සහ වාණිජ කටයුතු අමාත්‍යාංශය වෙත පරිත්‍යාග කිරීමට කොළඹ වරාය නගර ව්‍යාපෘතිය කටයුතු යොදා ඇත. මෙම පරිත්‍යාගයන්හි මුළු වටිනාකම රු. ලක්ෂ 60 ඉක්මවයි.