අලුත් බබාට අලුත් නමක්

නමක් යනු සෙත් කවියක් බඳුය. එය කියවන වාරයක් පාසා එයින් නාම හිමියාට යහපතක් සිදුවිය යුතුය. ජ්‍යොතිෂයට අනුව එවැනි නමක් තැබීමට මූලික කර ගන්නා එදින පවතින නැකැතට හා දිනයට හිමි අක්ෂර මෙහි සඳහන් වෙයි. අක්ෂර වේද නොවන සේ සුබ ගණයකට අනුව ග්‍රහ ප්‍රබලතාවද සලකා අර්ථාන්විත නමක් දූ පුතුන්ට තැබීමට මාපියන් නිරන්තරයෙන් අවධානය යොමු කළ යුතුය. ඒ සඳහා ජ්‍යොතිෂවේදියකුගේ සහාය ලබාගන්න.
2020/03/16 සිට 2020/03/22 දක්වා සතිය තුළ උපත ලබන දූපුතුන්ට නම් තැබීම සඳහා සුදුසු අක්ෂර මෙසේය.
16 වන සඳු දා
මෙදින පෙ.ව. 11.17 දක්වා පවතින දෙට නැකැතට අනුව නො, ය, යි, යු යන අක්ෂරද, ඉන් පසුව ලබන මුල නැකැතට අනුව යෙ, යො, බ, බි යන අක්ෂරද යොදා ගත හැකිය. මෙදින පෙ.ව. 6.17න් පසුව ජ්‍යොතිෂයට අනුව සඳු දිනය ලබන බැවින් දිනට හිමි ය, ර, ල, ව, ශ, ෂ, ස, හ, ළ අක්ෂර ද සුබදායක වේ.
17 වන කුජ දා
මෙදින පෙ.ව. 11.51 දක්වා පවතින මුල නැකැතට අනුව යෙ, යො, බ, බි යන අක්ෂරද, ඉන් පසුව ලබන පුවසල නැකැතට අනුව බු, ධ, එ, ඪ යන අක්ෂරද යොදා ගත හැකිය. මෙදින පෙ.ව. 6.18න් පසුව ජ්‍යොතිෂයට අනුව කුජ දිනය ලබන බැවින් දිනට හිමි ක, ඛ, ග,
ඝ, ඩ අක්ෂර ද සුබදායක වේ.
18 වන බුධ දා
මෙදින පෙ.ව. 13.05 දක්වා පවතින පුවසල නැකැතට අනුව බු, ධ, එ, ඪ යන අක්ෂරද, ඉන් පසුව ලබන උත්‍රසල නැකැතට අනුව බෙ, බො, ජ, ජි යන අක්ෂරද යොදා ගත හැකිය. මෙදින පෙ.ව. 6.16න් පසුව ජ්‍යොතිෂයට අනුව බුධ දිනය ලබන බැවින් දිනට හිමි ට, ඨ, ඩ, ඪ, ණ අක්ෂර ද සුබදායක වේ.
19 වන ගුරු දා
මෙදින පෙ.ව. 14.53 දක්වා පවතින උත්‍රසල නැකැතට අනුව බෙ, බො, ජ, ජි යන අක්ෂරද, පසුව ලබන සුවන නැකැතට අනුව ජු, ජෙ, ජො, ෂ යන අක්ෂරද යොදා ගත හැකිය. මෙදින පෙ.ව. 6.15න් පසුව ජ්‍යොතිෂයට අනුව ගුරු දිනය ලබන බැවින් දිනට හිමි ත, ථ, ද, ධ, න අක්ෂර ද සුබදායක වේ.
20 වන කිවි දා
මෙදින ප.ව. 17.08 දක්වා පවතින සුවන නැකැතට අනුව ජු, ජෙ, ජො, ෂ යන අක්ෂරද, ඉන් පසුව ලබන දෙනට නැකැතට අනුව ග, ගි, ගු, ගෙ යන අක්ෂරද යොදා ගත හැකිය. මෙදින පෙ.ව. 6.15න් පසුව ජ්‍යොතිෂයට අනුව කිවි දිනය ලබන බැවින් දිනට හිමි ය, ච, ජ, ඡ, ඤ, ඣ අක්ෂර ද සුබදායක වේ.
21 වන ශනි දා
මෙදින පෙ.ව. 19.42 දක්වා පවතින දෙනට නැකැතට අනුව ග, ගි, ගු, ගෙ යන අක්ෂරද, ඉන් පසුව ලබන සියාවස නැකැතට අනුව ගො, ස, සි, සු යන අක්ෂරද යොදා ගත හැකිය. මෙදින පෙ.ව. 6.14න් පසුව ජ්‍යොතිෂයට අනුව ශනි දිනය ලබන බැවින් දිනට හිමි ප, ඵ, බ, භ, ම අක්ෂර ද සුබදායක වේ.
22 වන රවි දා
මෙදින පෙ.ව. 22.28 දක්වා පවතින සියාවස නැකැතට අනුව ගො, ස, සි, සු යන අක්ෂරද, ඉන් පසුව ලබන පුවපුටුප නැකැතට අනුව සෙ, සො, ද, දි යන අක්ෂරද යොදා ගත හැකිය. මෙදින පෙ.ව. 6.14න් පසුව ජ්‍යොතිෂයට අනුව රවි දිනය ලබන බැවින් දිනට හිමි අ, ආ, ඉ, ඊ, උ, ඌ, එ, ඒ, ඔ, ඕ අක්ෂර ද සුබදායක වේ.
ඩී.එම්. දිලිනි සුනේත්‍රා