රටට හානිදායක දේවල්වලට සම්බන්ධ වූ අය නියෝජනය කරන බැවින් ඩලස් ඇතුළු කණ්ඩායම සම්බන්ධව මේ රටේ ජනතාවට ප්රශ්න තිබෙන්නේ යැයි ජාතික ජන බලවේගයේ පාර්ලිමේන්තු මන්ත්රී, ආචාර්ය හරිනි අමරසූරිය මහත්මිය පැවසුවාය.Sri Lanka Latest News
ව්යවස්ථාවට සංශෝධන ගෙන එන අවස්ථාවේ 18,19,20 හා 21 යන සියලු සංශෝධනවලට පක්ෂව අත් එස වූ අය එම කණ්ඩායමේ සිටින්නේ යැයි ද ඇය කීවාය. පේරාදෙණියේදී මාධ්ය හමුවේ අදහස් දක්වමින් මන්ත්රීවරිය මේ බව ප්රකාශ කළාය.
රටේ දූෂණ හා වංචාවලට සම්බන්ධ වූවන් මෙන්ම ඒවා නතර කිරීමට උනන්දුවක් නොදැක්වූ අය ද සිටින බැවින් ඔවුන් හා සන්ධානගත වීමේ හැකියාවක් ජාතික ජන බලවේගයට නැතැයි ද ඇය පැවසුවාය. ජනතාව වෙතින් පිළිගැනීමක් ලබන්න නම් ඔවුන් අවංකව ජනතාව ඉදිරියේ පාපෝච්චාරණයක් කළ යුතු යැයි ද මන්ත්රීවරිය අවධාරණය කළාය.
