විධායකයෙන් සහ ව්යවස්ථාදායකයෙන් අධිකරණයට එල්ල වෙමින් පවතින බලපෑම් සම්බන්ධයෙන් ජනතාව දැනුවත් කිරීමත්, ඊට එරෙහිව ක්රියාත්මක වීමත් අරමුණු කොට ගෙන මහජන සම්මන්ත්රණ මාලාවක් ආරම්භ කිරීමට නීතිඥ සාමූහිකය පියවර ගෙන ඇත.Sri Lanka Latest News
පසුගියදා ජනාධිපති රනිල් වික්රමසිංහ මහතා විසින් දේශීය ණය ප්රතිව්යුහගත කිරීමේදී පාර්ලිමේන්තුවෙන් ලබාදෙන තීන්දු තීරණ හැරුණු විට වෙනත් කිසිවකු ලබාදෙන තීන්දු තීරණ පිළිගැනීමට සූදානම් නොමැති බවට කළ ප්රකාශය සහ කතානායකවරයා විසින් ‘දේශීය ණය ප්රශස්තකරණය සිදුවූයේ පාර්ලිමේන්තු අනුමැතියකින් බැවින්, ඊට එරෙහිව අධිකරණ තීන්දුවක් ලබාදීම ව්යවස්ථාව උල්ලංඝනය කිරීමක්’ බවට ලබාදුන් තීන්දුව පිළිබඳවත් මෙහිදී සාකච්ඡා කිරීමට නියමිත අතර, ජනාධිපති නීතිඥ සාලිය පීරිස් මහතා පෙන්වා දී තිබුණේ මෙය විධායකය සහ ව්යවස්ථාදායකය විසින් අධිකරණයට කළ අනිසි බලපෑමක් ලෙසටය.
එහිදී සාලිය පීරිස් මහතා වැඩිදුරටත් පෙන්වා දී තිබුණේ මෙවැනි ප්රකාශවලට එරෙහිව විනිශ්චයකාරවරුන්ට ප්රසිද්ධියේ අදහස් දැක්වීමක් සිදුකළ නොහැකි බැවින් අධිකරණය නියෝජනය කරන නීතිඥ ප්රජාව ඊට එරෙහිව අධිකරණයේ ස්වාධීනත්වය ආරක්ෂා කරගැනීම වෙනුවෙන් පෙනීසිටිය යුතු බවකි.
ඒ අනුව විවිධ මත දරන සියලු නීතිඥවරුන් එකතුවී අධිකරණයේ ස්වාධීනත්වය ආරක්ෂා කරගැනීම සඳහා පෙරමුණ ගත යුතු බවද, ඒ සඳහා නව අරගලයක් ආරම්භ කළ යුතු බවද සාලිය පීරිස් මහතා පෙන්වා දී තිබිණි.
මෙහි පළමු මහජන සම්මන්ත්රණය සඳුදා (සැප්. 04) ප.ව. 3.00ට ශ්රී ලංකා පදනම් ආයතනයේදී පැවැත්වීමට නීතීඥ සාමූහිකය තීරණය කොට තිබේ.
‘ප්රජාතන්ත්රවාදය, විධායකය සහ අධිකරණය’ මැයෙන් එම සම්මන්ත්රණ මාලාව නම්කොට ඇත.
එහි කථිකයන් ලෙස කටයුතු කරන්නේ ජනාධිපති නීතිඥ ජෙෆ්රි අලගරත්නම්, ජනාධිපති නීතිඥ උපුල් ජයසූරිය, ජනාධිපති නීතිඥ සාලිය පීරිස්, මහාචාර්ය වසන්තා සෙනෙවිරත්න, නීතිඥ උපුල් කුමාරප්පෙරුම, නීතිඥ අර්මිසා ටිගල් යන මහත්ම මහත්මීහුය.
සංවාදය මෙහෙයවනු ලබන්නේ ජනාධිපති නීතිඥ රියන්සි අර්සකුලරත්න මහතා විසිනි.
