කොමර්ෂල් බැංකුවේ සියවස් සැමරුම වෙනුවෙන් හින්දු ආගමික වතාවත්

කොමර්ෂල් බැංකුවේ සියවස් සැමරුමට සමගාමීව රටට මෙන්ම කොමර්ෂල් බැංකුවේ ගනුදෙනුකරුවන්ට, කාර්ය මණ්ඩලයට සහ ඔවුන්ගේ පවුල්වල සාමාජිකයන්ට සෙත්පතා මරදාන ශ්‍රී කයිලසනාතර් දේවස්ථානයේදී පසුගියදා අභිෂේක පූජාවක් ඇතුළු හින්දු ආගමික වතාවත් පවත්වන ලදී. මෙම අවස්ථාවට කොමර්ෂල් බැංකුවේ සභාපති, ධර්ම ධීරසිංහ මහතා, කළමනාකාර අධ්‍යක්ෂ එස්. රෙන්ගනාදන් මහතා, ප්‍රධාන මෙහෙයුම් නිලධාරි සනත් මනතුංග මහතා, අධ්‍යක්ෂවරුන්, ජ්‍යෙෂ්ඨ කළමනාකාරීත්වයේ සාමාජිකයන් සහ වර්තමාන සහ අතීත කාර්ය මණ්ඩලවල සාමාජිකයන් පිරිසක් පැමිණ සිටියේය.

බැංකුවේ සියවස සමරුව වෙනුවෙන් මේ දක්වා මේ වසරේදී 4000කට අධික බැංකුවේ කාර්ය මණ්ඩල සාමාජිකයන් පිරිසක් එකට එක්වූ අතර බෞද්ධ සහ ක්‍රිස්තියානි ආගමික වතාවත් මීට පෙර පවත්වන ලදී.