රූපලාවණ්‍ය කෙරෙහි ශ්‍රී ලාංකිකයන්ගේ අවධානය ඉහළට

ලේසර් තාක්ෂණය සඳහා ලෝකයේ ප්‍රමුඛතම සන්නාමයක් වන “Lumenis” සමඟ නයින්වෙල්ස් රෝහලේ රූපලාවණ්‍ය ප්‍රතිකාර මධ්‍යස්ථානය සවිබලගැන්වී තිබෙන අතර, රූපලාවණ්‍ය ප්‍රතිකාර සඳහා මෙරට වඩාත් උසස් තාක්ෂණයක් භාවිත කරනු ලබන රෝහලක් බවට පත්ව තිබේ. “Lumenis” සන්නාමය යටතේ නිෂ්පාදිත NuEra Tight යන්ත්‍රයක් නයින්වෙල්ස් රෝහලේ රූපලාවණ්‍ය ප්‍රතිකාර මධ්‍යස්ථානය සතු අතර එය එම වර්ගයේ මෙරට හා ආසියාවේ ප්‍රථම හා එකම යන්ත්‍රයද වේ. සම එල්ලා වැටීම, මුහුණ හා ශරීරයේ බාහිර හැඩගැස්ම සහ මේද කැටිගැසීම අවම කිරීම වැනි ගැටලුකාරීත්වයන් සඳහා එයින් ප්‍රතිකාර සිදුකෙරේ.

සුඛෝපභෝගී රෝගී සත්කාරයක් ලබා දෙන විශාල ඉඩ පහසුකම් සහිතව නයින්වෙල්ස් රෝහලේ 10 වැනි මහලේ ඉදිකර තිබෙන මෙම මධ්‍යස්ථානය උසස් හැකියාවන්ගෙන් හා පළපුරුද්දෙන් යුත් වෛද්‍ය විශේෂඥයන්, ශල්‍ය වෛද්‍යවරුන්, වෛද්‍යවරුන් සහ සහයෝගී කාර්ය මණ්ඩලයකින් සමන්විත වේ. සැත්කම් හා සැත්කම් නොවන ප්‍රතිකාර දෙවර්ගයම මෙම මධ්‍යස්ථානයෙන් ලබාගැනීමට හැකියාව තිබේ.