පෙරේරා ටයර් සර්විස් ආයතනය පෙට්ලාස් අලෙවි නියෝජිතයන් අගයයි

පෙරේරා ටයර් සර්විස් පෞද්ගලික සමාගම සංවිධානය කළ පෙට්ලාස් අලෙවි නියෝජිත සම්මාන රාත්‍රිය 2020, පසුගියදා කොළඹ ෂැංග්‍රිලා හෝටලයේදී අති උත්කර්ෂවත් ලෙස පැවැත්විණි. 2018 සහ 2019 වර්ෂවලදී අලෙවි ඉලක්ක සැපිරූ අලෙවි නියෝජිතයන් ඇගැයීමත්, ඔවුන්ට ත්‍යාග සහ සම්මාන ප්‍රදානය කිරීමත් මෙහිදී සිදුවිය. උත්සවයේ ප්‍රධාන ආරාධිත අමුත්තා ලෙස තුර්කියේ පෙට්ලාස් සමාගමේ අධ්‍යක්ෂ අබ්දුල් කදීර් ඔස්කාන් මහතාද විශේෂ අමුත්තකු ලෙස ශ්‍රී ලංකාවේ තුර්කි තානාපතිනිය වන ඩිමෙට් ෂෙකර්ජියලු මහත්මියද සහභාගි වූහ. ශ්‍රී ලංකාවේ ටයර් ක්ෂේත්‍රයේ වසර 30ක කාලයක් කීර්තිමත් නමක් දිනා සිටින මාලබේ පී. පෙරේරා ටයර් සර්විස් සමාගම ලෝකයේ කීර්තිමත් වෙළෙඳනාම සහිත ටයර් මෙරටට ගෙන්වා බෙදා හරී.