HNB FINANCE කාන්තා ව්‍යවසායකයන් සවිබල ගන්වයි

ශ්‍රී ලංකාවේ ප්‍රමුඛතම මූල්‍ය සමාගමක් වන HNB FINANCE ජාත්‍යන්තර කාන්තා ව්‍යවසායකත්ව සම්මන්ත්‍රණයේ කාන්තා මූල්‍ය සැසිවාරය සඳහා අනුග්‍රහය දක්වමින් ශ්‍රී ලංකාවේ කාන්තා ව්‍යවසායකත්වය සවිබල ගැන්වීමට සිය දායකත්වය ලබා දෙන ලදී. මෙම ජාත්‍යන්තර සමුළුව දෙසැම්බර් 3 සහ 4 යන දෙදින තුළ කොළඹ මරීනා බීච් හෝටලයේදී පැවැත්විණි.
කාන්තා ව්‍යවසායකත්වය සඳහා තිරසාර අවස්ථා නිර්මාණය කිරීම යන තේමාව යටතේ මෙවර ජාත්‍යන්තර කාන්තා ව්‍යවසායකත්ව සම්මන්ත්‍රණය පැවති අතර කාන්තා ව්‍යවසායකත්වය විවිධ සමාජ පැතිකඩයන් හරහා විමසා බැලිණි.

මෙවර පැවති කාන්තා මූල්‍ය සැසිවාරය තුළදී ‘කාන්තා ව්‍යවසායකත්වය සහ මූල්‍ය’ වර්ධනය සහ තිරසාර බව සඳහා මූල්‍ය කළමනාකරණය, ක්ෂුද්‍ර මූල්‍ය තත්ත්වයේ ඔබ්බට යන වර්ධනයක් අත් පත් කර ගැනීම සහ ණය සාක්ෂරතාව සහ ස්වයං මූල්‍ය විනය යන මාතෘකා සාකච්ඡාවට බඳුන් විය.