ආසිරි අග්‍රහාර සත්කාරක සේවාව මගින් රාජ්‍ය සේවයේ සැමට වරප්‍රසාද

දශක තුනකට අධික කාලයක් පුරා දැරිය හැකි මිලකට, කාරුණික, කාර්යක්ෂම සෞඛ්‍ය සේවාවන් සපයන මෙරට ප්‍රමුඛතම රෝහල් සමූහය වන ආසිරි රෝහල් සමූහය ශ්‍රී ලාංකික රාජ්‍ය සේවයේ නියුතු සහ විශ්‍රාමික අග්‍රහාර රක්ෂණාවරණ හිමියන් වෙනුවෙන් ආසිරි අග්‍රහාර විශේෂිත සත්කාර සේවාව හඳුන්වා දෙයි. මෙමගින් දිවයින පුරා විසිරී සිටින මිලියනයකට ආසන්න රාජ්‍ය සේවකයන් සහ ඔවුන්ගේ පවුල්වල සාමාජිකයන්ගේ සෞඛ්‍ය තත්ත්වය නඟාසිටුවීමට අරමුණු කරගෙන ඇත. ඒ අනුව අග්‍රහාර ප්‍රතිලාභීන්ට උසස් තත්ත්වයේ ප්‍රතිකාර සහ සැත්කම් සේවා ලබා ගැනීම සඳහා සුවිශේෂී වට්ටම් සහ වරප්‍රසාද රැසක් ද ආසිරි රෝහල් සමූහය මගින් හිමිකර දෙයි.

ජනතාවට පහසුවෙන් ළඟා විය හැකි ආසිරි මෙඩිකල් හොස්පිටල්, ආසිරි සර්ජිකල් හොස්පිටල් සහ ආසිරි සෙන්ට්‍රල් රෝහල කොළඹ නගරය ආශ්‍රිතව ස්ථානගතකර ඇති අතර දකුණු පළාතේ ගාල්ල සහ මාතර දිස්ත්‍රික්කවල ආසිරි රෝහල් දෙකක්ද නවතම ආසිරි රෝහල මහනුවරද විවෘතව ඇත. එහිදී අග්‍රහාර සාමාජිකයන් සඳහාම සේවා කවුන්ටරයක් ක්‍රියාත්මක කෙරෙන අතර එමගින් ඉතා කාර්යක්ෂම සේවාවක් සපයනු ලබයි.