සෙලින්කෝ ලයිෆ් ‘Ceylena’’ කතන රොබෝවරිය හඳුන්වා දෙයි

ජීවිත රක්ෂණය ඉතාමත් සරල කරමින් ඒ පිළිබඳව තොරතුරු ලබාදීම සඳහා ඉතාමත් ආකර්ෂණීය නවීන තොරතුරු තාක්ෂණය භාවිත කරන බුද්ධිමත් කතන රොබෝවරියක් (chatbot) සෙලින්කෝ ලයිෆ් සමාගම විසින් හඳුන්වාදී තිබේ.

ලබාදෙන මෙම කතන රොබෝවරිය (chatbot) www.ceylincolife.com වෙබ් අඩවියේ මුල් පිටුවේ පහළ දකුණු කෙළවරේ සිටින අතර එය එබූ පසුව අලුත් ගනුදෙනුකරුවකුද, දැනටමත් සිටින ගනුදෙනුකරුවකුදැයි තෝරා ගැනීමට අවස්ථාව ලබාදී ඇත. එමෙන්ම, පැය 24 පුරාම විමසන ප්‍රශ්න (FAQs) සඳහා ක්ෂණික පිළිතුරු ලබාගැනීමටද මෙහිදී අවස්ථාව ලබාදී තිබේ. මෙම වෙබ් අඩවියට පිවිසෙන අයට මේ වනවිට ‘Ceylena’ ’ වෙතින් ඉංග්‍රීසියෙන් ටයිප් කිරීම මගින් ප්‍රශ්න විමසිය හැකි අතර ඉතා ඉක්මනින්ම එම අවස්ථාව සිංහල සහ දෙමළ භාෂාවෙන්ද ලබාදීමට සමාගම කටයුතු කරනු ඇත.