Marina Square – Uptown Colombo චීනයේ LPS Shanghai 2019 ප්‍රදර්ශනයට එක්වෙයි

කොළඹ වරාය ඉදිරිපිට ඉදිවන ශ්‍රී ලංකාවේ ප්‍රථම හා දැවැන්තම සංවර්ධන ව්‍යාපෘතිය වන Marina Square – Uptown Colombo චීනයේ වෙළෙඳ හා මූල්‍ය අගනගරය ලෙස ප්‍රකට ෂැන්හායි නගරයේ පැවැත්වෙන “LPS Shanghai 2019” ප්‍රමුඛ පෙළ සුඛෝපභෝගී දේපළ වෙළෙඳාම් ප්‍රදර්ශනයට එක්වෙයි.

ජාත්‍යන්තර ගැනුම්කරුවන් රැසකගේ අවධානය දිනාගත් “LPS Shanghai 2019” ප්‍රදර්ශනයේදී Marina Square – Uptown Colombo වෙත සුවිසල් ජාත්‍යන්තර අවධානයක් හිමිවිය. එය වක්‍රාකාරව විදෙස් ආයෝජකයන්ට ශ්‍රී ලංකාවේ ආයෝජන කටයුතු සිදුකරන්නට කෙරෙන පෙලඹවීම් සාධකයක්ද වේ. ශ්‍රී ලංකා දේපළ වෙළෙඳාම් ක්ෂේත්‍රය කෙරෙහි ජාත්‍යන්තර අවධානය යොමුකරවා ගන්නට Marina Square – Uptown Colombo ව්‍යාපෘතිය මහඟු අත්වැලක් විය.