2024 වසරේ පළමු මාස 11 හා සසඳන විට 2025 වසරේ එම කාල සීමාවේදී විදේශගත ශ්රමිකයන් විසින් මෙරටට එවා ඇති ප්රේෂණ ප්රමාණය විසිඑකයි දශම එකකින් (21.1%) ඉහළ ගොස් ඇති බව විදේශ සේවා නියුක්ති කාර්යංශය සඳහන් කරයි.Sri Lanka Latest News
2024 ජනවාරි සිට නොවැම්බර් මාසය දක්වා කාලයේදී විදේශ ගත ලාංකික ශ්රමිකයන් විසින් මෙරටට ඇමරිකානු ඩොලර් බිලියන පහයි දශම නවයයි හයක (5.96) ප්රේෂණ ප්රමාණයක් එවා ඇති අතර එම වසර සම්පූර්ණ වන විට ඇමරිකානු ඩොලර් බිලියන හයයි දශම පහයි හතක (6.57) ප්රමාණයක් විගමණික ප්රේෂණ ලෙස මෙරටට ලැබී තිබේ.
මේ අතර 2025 වසරේ ජනවාරි සිට නොවැම්බර් මාසය දක්වා කාලයේදී මෙරට විදේශගත ශ්රමිකයන් විසින් ඇමරිකානු ඩොලර් බිලියන හතයි දශම එකයි නවයක (7.19) ප්රේෂණ ප්රමාණයක් මෙරටට එවා ඇත. තවද 2025 නොවැම්බර් මාසයේදී පමණක් මෙරට විදේශ ගත ශ්රමිකයින් විසින් ඇමරිකානු ඩොලර් මිලියන හයසිය හැත්තෑ තුනයි දශම හතරක (673.4) ප්රමාණයක් මෙරටට එවා ඇති බවද විදේශ සේවා නියුක්ති කාර්යංශය සඳහන් කරයි.
මේ අතර 2025 වසරේ ගෙවී ගිය කාලයේදී ශ්රී ලාංකිකයන් දෙලක්ෂ අනූහයදහස් දසදෙනකු (296,010) රැකියාවන් සඳහා විදේශගත වී ඇති අතර ඉන් එක්ලක්ෂ අසූඑක්දහස් හයසිය පස්දෙනකු (181,605) පිරිමි ශ්රමිකයන් බවද විදේශ සේවා නියුක්ති කාර්යංශය සඳහන් කරයි.
