ජනාධිපතිවරණයට සතියක් තියා ප්රධාන දේශපාලන කඳවුරු සියල්ලම තුළ සිදුවීමට නියමිත දැවැන්ත දේශපාලන පෙරළි කිහිපයක් පිළිබඳ මේ වන විට තොරතුරු ලැබෙමින් පවතී.
ඒ අනුව ගෝඨාභය රාජපක්ෂ මහතාගේ අපේක්ෂකත්වයෙන් යුත් පොදුජන පෙරමුණ තුළත්, සජිත් ප්රේමදාස මහතාගේ අපේක්ෂකත්වයෙන් යුත් එක්සත් ජාතික පෙරමුණ තුළත්, අනුර කුමාර දිසානායක, මහේෂ් සේනානායක යන මහත්වරුන් නියෝජනය කරන දේශපාලන කඳවුරු තුළත් අවසන් සතිය තුළ විශාල දේශපාලන පෙරළි රැසක් සිදුවීමට නියමිත බව දැනගන්නට ඇත.
මෙම ඇතැම් පෙරළි සම්බන්ධයෙන් මේ වන විටත් යම් යම් දේශපාලන ඉඟි පළවෙමින් ඇති අතර එම තොරතුරු තහවුරු කරගැනීමෙන් අනතුරුව අපි රටට අනාවරණ කිරීමට සූදානමින් සිටිමු.
ඒ අනුව ඉදිරි දිිි කිහිපය තුළ මෙම දේශපාලන පෙරළි පිළිබඳ සවිස්තර තොරතුරු පාඨකයා හමුවට ගෙන ආ හැකි බව අපගේ විශ්වාසයයි. එහිදී දැනටමත් ක්රියාත්මක වෙමින් පවතින දේශපාලන පෙරළි පිළිබඳවත්, විවිධ බාධක හේතුවෙන් අතරමග නතර වී ඇති දේශපාලන පෙරළි පිළිබඳවත් ඉදිරි දින කිහිපය තුළ කාටත් කලින් රටට හෙළි කිරීමට අප සූදානම්ය.
දේශපාලන කඳවුරු සියල්ලේම ස්ථාවරය වී ඇත්තේ ජනාධිපතිවරණයේ අවසන් සතිය තුළ සිදුකරනු ලබන දැවැන්ත දේශපාලන පෙරළි හරහා ජනතා මනස වෙනස් කොට තම තමන්ගේ කඳවුරු ශක්තිමත් කර ගැනීමට හැකියාව ඇති බවකි. ඒ අනුව අවසන් සතියේදී මෙම සියලු දේශපාලන පෙරළි රටට ඉදිරිපත් කිරීමට එම දේශපාලන පක්ෂ සියලු සැලැසුම් සකස් කර ඇති බවද දැනගන්නට ඇත.
