දැනට අත්අඩංගුවේ පසුවන කුඩු ව්යාපාරිකයන් සමග දේශපාලන නායකයකු 92 වතාවක් දුරකතන ඔස්සේ සාකච්ඡා කර ඇති බවට අනාවරණ වී ඇතැයි ජනාධිපති අනුර කුමාර දිසානායක මහතා පැවැසීය. Sri Lanka Latest News
පසුගිය බ්රහස්පතින්දා (25) දිනයේදී පාර්ලිමේන්තුවේදී සිය කතාව සිදුකරමින් ජනාධිපතිවරයා පවසා සිටියේ මින් 54 වතාවක් මෙම දේශපාලන නායකයා විසින් සිරගතව සිටින කුඩු ව්යාපාරිකයන්ට ඇමතුම් ලබාදී ඇති බවකි. ඉතිරි 38 වතාවේදී සිරගතව සිටින කුඩු ව්යාපාරිකයන් මෙම දේශපාලන නායකයාට දුරකතන ඇමතුම් ලබාදී ඇති බවද ජනාධිපතිවරයා එහිදී කියා සිටියේය.
අවම වශයෙන් මෙම දේශපාලන නායකයා පිළිබඳ අදාළ පක්ෂය විසින් විනය පරීක්ෂණයක් හෝ ආරම්භ කළාද යන්න පිළිබඳ තමන් නොදන්නා බවද ජනාධිපතිවරයා එහිදී සඳහන් කළේය.
