හැදෙන හදන රටකට පෙරළියක ඇරඹුම තේමාව යටතේ 2024 පාර්ලිමේන්තු මහමැතිවරණය සඳහා තරඟ කිරීමට ප්රජාතන්ත්රවාදී ජාතික සන්ධානය නමින් නව දේශාපලන සන්ධානයක් පසුගිය ඔක්තෝබර් 08 වනදා සිනමන් ග්රෑන්ඩ් හෝටලයේදී එළිදක්වන ලදී. මෙම සන්ධානය තැපැල් පෙට්ටිය ලකුණින් මෙවර මැතිවරණය සඳහා ඉදිරිපත් වේ. (Sri Lanka Latest News)
දේශපාලන පක්ෂ සහ සිවිල් සංවිධාන 10කට අධික සංඛ්යාවක් එක්ව සිටින මෙම සන්ධානයේ ප්රධාන අපේක්ෂකයා ලෙස එහි සභාපති නීතිවේදී, ආචර්ය මොහාන් පෙරේරා මහතා මෙවර මැතිවරණයට ඉදිරිපත්ව සිටියි. ජාතික ලැයිස්තු අපේක්ෂයෙක් ලෙස මැතිවරණයට ඉදිරිපත්ව සිටින ඒ මහතා සන්ධානයේ අග්රාමාත්ය අපේක්ෂකයාද වේ.
මොහාන් පෙරේරා මහතාගේ දැක්ම අනුව මෙම සන්ධානයේ ආර්ථික ප්රතිපත්තිය තාක්ෂණයේ නවමු මානයන් සහ කෘතීම බුද්ධියද උපයෝගී කරගනිමින් ශ්රී ලංකාව තුල සවිමත් ආර්ථිකයක් බිහි කිරීම, ශ්රී ලංකාව ලෝක වෙළඳපලේ දකුණු ආසියාතික කේන්ද්රස්ථානයක් බවට පත් කිරීම කිරීම යන අරමුණු ඔස්සේ සකස් කර ඇත.
එමෙන්ම ශ්රී ලංකාවේ ප්රධාන ජීවනෝපායක් වන කෘෂිකර්මාන්තයද නව තාක්ෂනය සහ ක්රමවේද අනුව යමින් නූතන ලෝකයට ගැලපෙන අයුරින් නවීකරණය කොට ගොවියන්ගේ ආදායම් දෙගුණ කිරීමට මෙන්ම රටේ ආහාර සුරක්ෂිතතාව සහතික කරන අතරම කෘෂිකාර්මික භෝග සහ නිෂ්පාදන නිෂ්පාදන ගෝලීය වෙළඳපල වෙත අපනයනය කිරීම සඳහා ශ්රී ලාංකික කෘෂි ව්යාපාර වලට ඇති ප්රවේශයන් වැඩි කිරීමටද මොහාන් පෙරේරා මහතා අපේක්ෂා කරයි.
මේ වන විට ලෝකය පුර ඇතිවී තිබෙන යුධ තත්වයන් සහ කලාපයේ ඇති වී තිබෙන දේශපාලනික අර්බුද නිසා රටවල් ගණනාවකින්ම ආයෝජකයන් සිඝ්රයෙන් ඉවත් වෙමින් සිටියි. එම රටවලින් ගිලිහි යන ආයෝජන ශ්රී ලංකාව වෙත ආකර්ෂණය කරගැනීම සඳහා වදපිලිවෙකස් ආරම්භ කිරීමටත් ශ්රී ලංකාවේ ආර්ථික ශ්රේණිගත කිරීම් ඉහල නංවමින් ආයෝජකයන් සඳහා ස්ථාවර ආකර්ශනිය රටක් ලෙස ශ්රී ලංකාව පත් කිරීමටත් සැලසුම් ඔහු සැලසුම් කොට ඇත.
ඉදිරි වසර පහ තුල දල ජාතික නිෂ්පාදිතය ඇමෙරිකානු ඩොලර් බිලියන 140 සීමාවවකට රැගෙන ඒම සහ ඒක පුද්ගල ආදායම ඇමෙරිකානු ඩොලර් 6000ක සීමාව ඉක්මවීමද මොහාන් පෙරේරා මහතාගේ ආර්ථික දැක්මේ ඇති අපේක්ෂාවන් වේ.
මීට අමතරව ශ්රී ලංකාව දකුණු ආසියාවේ අධ්යාපන කේන්ද්රස්ථානයක් බවට පත් කිරීම, කාර්යක්ෂම, ගුණාත්මක සහ උසස් ප්රමිතියේ සෞඛ්ය සේවයක් ඇති කිරීම, කාර්යක්ෂම සුවපහසු සහ නවීන මෙන්ම පරිසර හිතකාමී පොදු ප්රවාහන පද්ධතියක් ගොඩනැගීම, සියළු ජාතින් එක්කරගත් ශ්රී ලාංකේය අනන්යතාවයයක් ලෝකය තුල ගොඩනැගීම, විනිවිද පෙනෙන, වගවීම සහිත සහ කාර්යක්ෂම පාලන පද්ධතියක් ගොඩනැගීම, පොසිල ඉන්ධන මත යැපීම සහ හරිතාගාර වායු විමෝචනය අඩු කිරීම සඳහා, සූර්ය, සුළං සහ ජල විදුලිය වැනි පුනර්ජනනීය බලශක්ති ප්රභවයන් සංවර්ධනය කිරීම සඳහා ආයෝජනයන් යොමු කිරීම වැනි කරුණුද ඔහුගේ දැක්ම සහ ප්රතිපත්ති තුල අඩංගු වී තිබේ.
