ශ්රී ලංකාවේ නැගෙනහිර ප්රදේශයේ පහළ වායුගෝලයේ කැලඹිලි ස්වභාවයක් වර්ධනය වන බැවින් , ඉදිරි දින කිහිපයේදී දිවයිනේ උතුරු නැගෙනහිර සහ ඌව පළාත්වල පවතින වැසි තත්ත්වයේ වර්ධනයක් ඇති විය හැකි බව කාලගුණ විද්යා දෙපාර්තමේන්තුව පවසයි.Sri Lanka Latest News
මෙම තත්ත්වය හේතු කොටගෙන නැගෙනහිර, මධ්යම, උතුරු මැද සහ ඌව පළාත්වලත්, හම්බන්තොට දිස්ත්රික්කයේත් විටින් විට වැසි තත්ත්වයක් ඇතිවිය හැකි බවද, කාලගුණ විද්යා දෙපාර්තමේන්තුව නිවේදනයක් නිකුත් කරමින් කියා සිටී.
එසේම මධ්යම සහ ඌව පළාත්වලත්, මඩකළපුව සහ අම්පාර යන දිස්ත්රික්කවල ඇතැම් ස්ථානවලට මි.මී. 75ට වැඩි තරමක වැසි තත්ත්වයක් ඇතිවිය හැකි බවද එම නිවේදනයේ සඳහන් වේ.
තවද පස්වරු 2න් පසු දිවයිනේ සෙසු ප්රදේශවලට තැනින් තැන වැසි හෝ ගිගුරුම් සහිත වැසි තත්ත්වයක් ඇතිවිය හැකි බවද, ඇතැම් ස්ථානවලට මි.මී. 50ට වැඩි තරමක වැසි තත්ත්වයක් ඇතිවිය හැකි බවද, එම කාලගුණ නිවේදනය මගින් වැඩි දුරටත් කියයි.
නන්දන ශ්රී දොරකුඹුර
