කොළඹ ටාජ් සමුද්රා හෝටලයේ පැවැත්වුණු සමගි ජන බලවේගය සහ එක්සත් ජාතික පක්ෂය ඒකාබද්ධ කරන නායක මට්ටමේ සාකච්ඡාවෙන් පසු එම සමගිය කඩාබිඳ දැමීම සඳහා විවිධ උත්සාහයන් දියත් වෙමින් පවතින ආකාරයක් මේ වනවිට දැකගන්නට තිබේ.Sri Lanka Latest News
මේ සඳහා මූලිකත්වය ගෙන ඇත්තේ එජාපයේ සිටින ‘සූත්තර භූතයකු’ යැයි කියැවේ.
පක්ෂ දෙකේ ඒකාබද්ධ වීම තහවුරු කරමින් අදාළ සාකච්ඡාවන්ට සහභාගි වූ නියෝජිතයන්ගේ ඡායාරූපයක් මාධ්යයේ පළවීමත් සමග කලබලයට පත්ව ඇති මේ සූත්තර භූතයා වහාම තමන්ට හිතවත් සමාජ මාධ්ය ක්රියාකාරිකයන්ට උපදෙස් ලබාදී ඇත්තේ ඊට එරෙහිව පහර දෙන ලෙසටය.
එමෙන්ම පක්ෂ දෙක එකතු වන්නේ නම් එහි නායකත්වය එජාප නායක රනිල් වික්රමසිංහ මහතාට හිමිවිය යුතු බවට අවධාරණය කරමින් පුවත් පළකරන ලෙසටද මෙම සූත්තර භූතයා සමාජ මාධ්ය ක්රියාකාරිකයන්ට උපදෙස් නිකුත් කොට ඇති බවක් දැනගන්නට තිබේ.
නමුත් මේ වනවිට එජාපයට හිතවත් සමාජ මාධ්ය ජාල ක්රියාකාරිකයන් පවා මෙම පක්ෂ දෙක එකමුතු වීම සම්බන්ධයෙන් ධනාත්මක ස්ථාවරයක සිටීම නිසා මෙම සූත්තර භූතයා ලබාදුන් උපදෙස් ක්රියාත්මක කොට නැති බවක්ද වාර්තා වේ.
