අල්ලස් ගැනීමේ චෝදනාව මත චරිත් අබේසිංහ මහතා සම්බන්ධයෙන් සමගි ජන බලවේගය පැය 24ක් යෑමට මත්තෙන් ක්රියාත්මක වුවද, මාලිමාවේ බරපතළ චෝදනා එල්ල වී ඇති මැති ඇමැතිවරුන් සම්බන්ධයෙන් ජනාධිපතිවරයා ගත් ක්රියාමාර්ග මොනවාද යන්න වහාම රටට පැහැදිලි කරන ලෙස සජබ පාර්ලිමේන්තු මන්ත්රීනි චමින්ද්රානි කිරිඇල්ල මහත්මිය ආණ්ඩුවට අභියෝග කොට ඇත. Sri Lanka Latest News
කිරිඇල්ල මහත්මිය එහිදී පෙන්වා දෙන්නේ චරිත් අබේසිංහ මහතාට චෝදනා එල්ල වී පැය 24ක් ඇතුළත වහාම ඒ මහතාගේ පක්ෂ සාමාජිකත්වය අහෝසි කිරීමටත්, ඒ මහතා දරන සියලු තනතුරුවලින් ඉවත් කිරීමටත් සමගි ජන බලවේගය කටයුතු කළ බවකි.
නමුත් ව්යාජ සහතික ඉදිරිපත් කොට පාර්ලිමේන්තු මන්ත්රීවරයකු බවට පත්වී කතානායකවරයා වශයෙන් කටයුතු කළ අශෝක රංවල මහතා සම්බන්ධයෙන් හෝ බාල ගල්අඟුරු ගෙන්වීමේ චෝදනාව මුල්කරගෙන ඇමැති තනතුරෙන් ඉවත් වූ සහ පොහොර ගෙන්වීම හරහා ආණ්ඩුවට පාඩුවක් සිදුකිරීමේ චෝදනාව මත මහාධිකරණය හමුවේ නඩු පවරා ඇති කුමාර ජයකොඩි මහතා සම්බන්ධයෙන් ජනාධිපතිවරයා ගත් ක්රියාමාර්ග රටට හෙළිකරන ලෙසද කිරිඇල්ල මහත්මිය අවධාරණය කොට ඇත.
