රටේ ප්රමුඛතම සන්නිවේදන ආයතනයක් ලෙස තමන් සතු වටිනාම වත්කම් සිය පාරිභෝගිකයන් යැයි සිතමින් ඩයලොග් ආයතනය සමාජ සද්කාර්යයන් රැසකට මුල්තැන ගෙන තිබේ. සිය පාරිභෝගිකයන් දුකට පත්ව ඇති විට ඔවුන් සමඟ ඒ දුක බෙදාගන්නටත්, සතුටකදී එක්ව එහි මිහිර විදින්නටත් ඔවුන් සෑම විටම සූදානම්ය. ඩයලොග් ආසියාටා පී.එල්.සී. ආයතනය මේ කරදර අවස්ථාවේදීද ඔබ සමඟ එක්ව කටයුතු කරන්නේ ඒ නිසාය. ඔවුන් ඒ සඳහා ‘මනුසත් දෙරණ’, ‘සියත ළෙන්ගතුකම’, ‘අයි.ටී.එන්. මනුෂ්යත්වයේ සත්කාරය’ සහ ‘වසන්තම් ටී.වී./එෆ්.එම්. මනිදනී යප්පන්’ සමඟ ඔබ සොයා ආවේය.
අප්රේල් 16 වැනිදා වන විට රට පුරාම සිටින කරදරයට පත් ජනතාව වෙනුවෙන් පෙර කී වැඩසටහන් හා එක්ව ඩයලොග් සහන යාත්රාව දියත් කර තිබේ. ඒ දිස්ත්රික්ක 13ක ගම්මාන 270ක ජනතාව 73,232ක් වෙනුවෙනි. නමුත් ඩයලොග් ඉන් නැවතී නැත. තවදුරටත් තම ආහාර අවශ්යතාව පවා සපුරාගත නොහැකිව අසරණව සිටින ජනතාව වෙනුවෙන් ඩයලොග් ආයතනය වෙන්කර ඇති මුදල රුපියල් මිලියන 50කි. මේ සඳහා ආගමික නායකයන්ගේත්, ආරක්ෂක අංශවලත් මැදිහත්වීම මත ඩයලොග්, අයි.ටී.එන්., දෙරණ, සියත, වසන්තම් ආයතනවල කාර්යමණ්ඩල පෙර සේම හෙටත් කටයුතු කරන්නට සූදානම්ය. ඉන් සිය මෙහෙය නිම නොවිය යුතු බව සිතනා ඩයලොග් දිවයින පුරා රෝහල් විස්සක් සඳහා Tele Medicin උපකරණ 27ක්ද සෞඛ්ය අමාත්යාංශට ලබාදීමට පියවර ගෙන තිබේ. නිරෝධායන මධ්යස්ථාන වෙත නොමිලේ වයිෆයි පහසුකම් සහ ඩයලොග් ටී.වී. පහසුකම් ලබාදෙන්නටද ඩයලොග් ආයතනය කටයුතු කර ඇත. අයි.ඩී.එච්. රෝහල වෙත Video Conference පහසුකම් සඳහා උපාංග නොමිලයේ ලබාදීමට කටයුතු කළ අතර නොමිලයේ අන්තර්ජාල පහසුකම් ලබාදීමට කඩිනමින් කටයුතු කරමින් සිටී. අත්යවශ්ය පුද්ගලික ආරක්ෂක උපකරණ (PPE) කට්ටල කළුබෝවිල සහ මීගමුව රෝහල් වෙත ප්රදානය කරන්නටත්, ජාතික දුරස්ථ මනෝ සමාජීය සහ සේවා (RNPSSS) ස්ථාපිත කිරීම සඳහා ළමා රක්ෂක අධිකාරියට ජංගම දුරකතන සම්බන්ධතා සහ නොමිලයේ handsets ලබාදීමටත් කටයුතු කර ඇත. මේ දැනට ජාතික වශයෙන් කොවිඞ් 19 සටන දියත් කිරීමට ඩයලොග් ආසියාටා පී.එල්.සී. ආයතනය දියත් කර ඇති සමාජ සත්කාර අතරින් කිහිපයකි. මීට අමතරව මිලියන 15කට අධික පාරිභෝගික සහ සිය ජීවන කටයුතු පහසු කරගන්නට e-Connect, e-Learn, e-Health, e-Tainment, e-Care සහ e-Work solution (www.dialog.lk/home ඔස්සේ පිවිසිය හැක) වැනි පහසුකම් රැසක් සලසා දීමටද ඩයලොග් පියවර ගෙන ඇත.
