අදට (27) යෙදී ඇති බැසිල් රාජපක්ෂ මලණුවන්ගේ උපන්දිනය වෙනුවෙන් වැඩිමල් සහෝදරයා වන අගමැති මහින්ද රාජපක්ෂ මහතා විසින් මිල කළ නොහැකි උපන්දින සුබ පැතුමක් සිය ෆේස්බුක් පිටුවෙහි තබා තිබේ.
පසුගිය කාලයේ විවිධ මාධ්ය විවිධ අවස්ථාවන්හිදී රාජපක්ෂ සහෝදරවරුන් අතර ගැටුම් ඇති බව ප්රචාරය කළද රාජපක්ෂවරුන් අතර ඇති සහෝදර බැදීම සදා නොවෙනස් එකක් බව අවස්ථා කිහිපයකදීම තහවුරු කිරීමට ඔවුන් පියවර ගෙන තිබිණ.
එහිදී මහින්ද රාජපක්ෂ සහ ගෝඨාභය රාජපක්ෂ යන සිය සහෝදරයන් දෙදෙනාම ජනාධිපති පුටවේ හිදුවාලීමට සිය වෙහෙස මහන්සිය කැපකිරීමට බැසිල් රාජපක්ෂ මහතා පියවර ගත්තේය.
ඒ අනුව මහින්ද රාජපක්ෂ මහතා සිය ෆේස්බුක් පිටුවේ සිය බාල සහෝදරයා වූ බැසිල් රාජපක්ෂ මහතාගේ උපන්දිනය වෙනුවෙන් තබා තිබූ සටහන මෙසේය.
‘දිය දහරක් කොතරම් දෙපලු කළ ද එය කවදාවත් වෙන් වන්නේ නැති සේම අපගේ සහෝදරත්වය යන ලේ බැම්ම කවදාවත් කඩා බිඳ දැමීමට නොහැක. උපන් දා සිටම අප අතර තිබු ආදරය සෙනෙහස අදටත් අල්ප මාත්රයකින්වත් වෙනස් නොවී පවතින්නේ මා ඔබටත්, ඔබ මටත් දක්වන අප්රමාණ සෙනෙහස නිසාවෙනි. මාගේ දේශපාලන ගමනේ බාධක හා දුෂ්කරතා තුළ දී රැඳෙමින් දේශපාලන සෙවනැල්ල වුවා සේම රට තුළ ගෙන ගිය සංවර්ධන රැල්ලේදී ජනතාවට සේවය කරමින් ඔවුන් සමග රැඳෙමින් ඔබ කළ මෙහෙවර අදටත් ජන මතකය තුළ ඇත.’
ඔබට සුභ උපන්දිනයක් බැසිල් මල්ලි!
