ආදායම් මැවූ අවුරුදු 15ක්
1907 අගෝස්තු මස සර් හෙන්රි මැකලම් ලංකා ආණ්ඩුකාර ධුරයට පත්ව පැමිණි අතර, එතැන් පටන් ඔහු මෙරට ආර්ථික වර්ධනයට සුවිශේෂ දායකත්වය සැපයීය.
මංමාවත් දියුණුව, ටෙලිග්රාප් සේවය ආදිය දියුණුව ඊට බලපෑ අතර, වැවිලි කර්මාන්තය දියුණු වීම සහ ව්යාපාර ආරම්භ කිරීම ආදියද ඊට හේතු විය. ඒ අනුව 1891දී රුපියල් 17,960,710ක් වූ ආදායම 1912 වන විට රුපියල් 346,434,756 දක්වා වැඩි විය. එහෙයින් මෙරට ආයෝජනයට බි්රතාන්යයන් දැඩි උනන්දුවක් දැක්වූහ.
වරාය සහ රිජ්වේ
රිජ්වේ ආණ්ඩුකාරවරයාගේ කාලයේ ආරම්භ කරන ලද කොළඹ නෞකා තටාකයේ වැඩ 1906 ඔක්තෝබර් මසදී නිම කරන ලද අතර ඉන් මෙරට ආර්ථිකයට ලැබුණු වාසිය සුළුපටු නොවේ. එනිසාම රටේ ආර්ථිකය සිය දහස් ගුණයකින් ඉහළ නැංවුණු අතර ඉන් ලද වාසි හේතුකොටගෙන ජනතාවගේ ජීවන තත්ත්වයද සුවිශේෂ ලෙස ඉහළ ගියේය.
රට පුරාගිය තාක්ෂණය
මහා මාර්ග මෙන්ම විදුලි පණිවුඩ මාර්ගද ඉතා උසස් ලෙස දියුණු කරන්නට කටයුතු කළ සර් හෙන්රි මැකලම්, විදුලි පණිවුඩ මාර්ග පුත්තලම, මන්නාරම, හපුතලේ යන තැන්වලට දිර්ඝ කරන ලදී. විදුලි පණිවුඩ ක්රමය දෙපාර්තමේන්තුවක් යටතට ගන්නේද මැකලම්ය. මේ කාලයේ දුරකතන සේවය මෙන්ම කොළඹ වයර්ලස් කාර්යාලයක්ද පිහිටුවනු ලැබීය. ඒත් සමගම මෙරට ආර්ථිකයේ නව දියුණුවකට හේතු යෙදිණි.
