රුපියල් 600ට ලැබුණු ඡන්ද අයිතිය

මේ වෙනකොට ලංකාවේ වයස සම්පූර්ණ වූ සියලුම පුරවැසියන්ට ඡන්ද අයිතිය ලබාගත හැකිය. එසේම එය ලබාගන්නට සියලුදෙනාටම අයිතියක්ද ඇත. එහෙත් ඡන්ද අයිතිය මෙරට වැසියනට මුලින්ම ලැබුණේ එවැනි ලේසි පහසු ක්‍රමවේදයක නොවේ. ඒ සඳහා වෙනමම සැපිරිය යුතු සුදුසුකම් කොටසක් විය.

ඒ අනුව ඊට සුදුසුකම් ලැබිය හැකි කාණ්ඩ කිහිපයක් එකල හඳුන්වා දී තිබුණේ මෙලෙසිනි. අවුරුද්දකට රුපියල් 600ක ආදායම් ලබන්නා වූ හෝ රුපියල් 1,600ක වටිනාකම් ඇති අය හෝ ලෝකල් බෝඞ් ගසා නාගරික දිස්ත්‍රික් සභා සීමා තුළ රුපියල් 400කට අඩු නොවන බදු මුදලක් ගෙවන්නා වූ හෝ අන්‍ය ප්‍රදේශවල රුපියල් 200කට නොඅඩු බදු මුදලක් ගෙවන්නා වූ සියලුම දෙනාට ඡන්ද අයිතිය ලැබිය හැකි බවට තීරණ කර තිබිණි. ඒ අනුව අදාළ සුදුසුකම් සැපිරි සියල්ලන්ම ඡන්දය දීමට සුදුස්සෝ වූහ.