මේ දෙන්නා කවුදැයි කියලා බොහෝ දෙනකුට නම් බොහෝ විට ඒක ටක්කෙටම කියන්න බැරි වේවි. ඔව් ඉතින්. කොතැන වුණත් කොයි දේක වුණත් තිරෙන් පිටුපස මෙහෙවර ගැන දන්න අය අඩුයි. වීරයාව, පෙම්වතාව, ප්රධාන නිළියව, දුෂ්ටයාව වගේම විකටයාව දැනගෙන හිටියට බයිස්කෝප් එකක් සාර්ථක කරන මෙහෙවරට දායක වන තිරෙන් පිටුපස පිරිස ගැන කවුරුත් ප්රේක්ෂකයෝ කවදාවත් හෙව්වේ නැහැ. ඒ ගැන හොයන්න උත්සාහ ගත්තෙත් නැහැ.Sri Lanka Latest News
මේ ඉන්නේ සිංහල සිනමාවට මහඟු සේවාවක් ඉටුකළ සිංහල සිනමාව අතිඋත්කර්ෂවත් තැනකට ගෙන එන්නට දායකත්වය දුන්න ප්රවීණ චිත්රපට අධ්යක්ෂ සේන සමරසිංහ මහත්තයයි, ප්රවීණ චිත්රපට නිෂ්පාදක පියසේන ද සිල්වා මහත්තයයි. අසූව දශකයේ බයිස්කෝප් පිස්සො නම් ඔන්න ඉතින් මේ ප්රවීණයන් දෙන්නගේ පාරට්ටුව ගැන අටුවා ටීකා ලියන්න ඕනා නැහැ. නොදන්න අයට දැනගන්න පුංචි විස්තරයක් දෙන්නම්.
කස්තුරි සුවඳ, නිල්ල සොයා, ආශා දෑසින්, මල් කැකුළු, චංචල රේඛා, ඈතින් ඈතට ඇතුළු චිත්රපට කිහිපය තිරයට ගෙනාවේ මේ දෙන්නගේ දායකත්වයෙනුයි. දෙන්නා එදා වගේම අදටත් ගජ යාළුවෝ. ඉඳහිටක අදත් සෙට් වෙනවා. ඒ සෙට් වීමට පොඩි බයිට් එකක් එක්ක හීනියට ඩි්රන්ක් එක සෙට් වුණාම දෙන්නා යන්නේ අර ඒ දවස්වල සෙට් වෙලා කරපු බයිස්කෝප්වල කයිවාරුව ගැන කතා කරන්න පුළුවන් සුන්දර සිනමා වසන්තයටයි.
‘කොහොමද අපි ඒ කාලේ කරපු වැඩ? ඒවනේ බයිස්කෝප් කියන්නේ…’
කතාව පටන් ගන්නේ එහෙමයි. මේ පින්තූරෙ දිහා වුණත් ටිකක් ඇලට් එකේ බලන්න. එතැන තියෙන්නෙත් පොඩි කයිවාරු කතාවක පාට් එකක් තමයි. ඉහත නම් සටහන් කරපු චිත්රපට පෙළ හදාපු මේ ප්රවීණයෝ දෙන්නා විතරක් නෙවෙයි, පෝලිම්වල ලැගගෙන ඊළඟ ෂෝ එකත් හවුස් ෆුල් වෙයි කියන බයට ටිකට් ගන්න කට්ට කාපු බයිස්කෝප් පිස්සන්ටත් කයිවාරු කියන්න පුළුවන් පාරට්ටුවක් ඒ චිත්රපටවල තිබුණා. ගැලරිය නොකඩවා විසිල් ගැහුවේ ඒවාටයි.
මල්මි කෞෂල්යා
