අවස්ථා දෙකකදී හම්බන්තොටින් මතුවූ මත්ද්රව්ය සහ අයිස් තොගවල හිමිකාරීත්වය සම්බන්ධයෙන් මේ වනවිට විශාල ආන්දෝලනාත්මක තත්ත්වයක් මතුව තිබේ.
පළමු වතාවට මිද්දෙණියේ වළදමා තිබියදී හමුවූ අයිස් නිෂ්පාදනය කරන අමුද්රව්ය තොගය සම්බන්ධයෙන් ආණ්ඩුවේ පාර්ශ්වයෙන් චෝදනාව එල්ල වූයේ පොහොට්ටුවේ හිටපු පළාත් සභා මන්ත්රීවරයකු වූ සම්පත් මනම්පේරිටය.Sri Lanka Latest News
විමර්ශන අංශ මගින්ද ඒ බව තහවුරු කොට ඇති අතර, මේ වනවිට සම්පත් මනම්පේරි සිටින්නේ රැඳවුම් භාරයේ තබා ප්රශ්න කරමින්ය.
කෙසේ වෙතත් දෙවැනි වතාවටද හම්බන්තොටින් වීශාල මත්ද්රව්ය තොගයක් සොයාගත් අතර ඊට සම්බන්ධ බවට චෝදනා එල්ල වී ඇත්තේ සනත් වීරසිංහ නොහොත් ‘පුවක්දණ්ඩාවේ සනා’ නමැති අයටය.
මේ සම්බන්ධයෙන් පසුගිය සතියේ විශේෂ හෙළිදරව්වක් කරමින් හිටපු අමාත්ය විමල් වීරවංශ මහතා අනාවරණ කර සිටියේ මෙම සනත් වීරසිංහ නොහොත් පුවක්දණ්ඩාවේ සනා නමැත්තා ජවිපෙට විශාල වශයෙන් උදව් උපකාර කළ අයෙකු යැයි කියාය.
එමෙන්ම මෙම පුද්ගලයා ජවිපෙට ඉතාම හිතවත්, ජවිපෙට මුදල් වියදම් කරන අයකු බවත් විමල් වීරවංශ මහතා අනාවරණ කර සිටියේය.
‘ඔහු තමයි අන්තිමට හම්බන්තොට දිස්ත්රික්කයේ තංගල්ල ප්රදේශයේදී අත්අඩංගුවට ගත්තු ඒ සියලු මත්ද්රව්ය ඔහුගේ බෝට්ටු මගින් මේ රටට ගෙනැවිත් තිබෙන්නේ. මේ පුද්ගලයාට අන්තිමට සමාජ මාධ්යවලින් විශාල පීඩනයක් එල්ල වුණාට පස්සේ අත්අඩංගුවට ගන්න පොලිසියට සිද්ධ වෙලා තියෙනවා. එතකොට මේ ‘පුවක්දණ්ඩාවේ සනා’ පැහැදිලිවම ජනතා විමුක්ති පෙරමුණේ ප්රබල සාමාජිකයෙක්, හිතවතෙක්. මේ අයිස් මත්ද්රව්ය ලංකාවට ගෙනාපු බෝට්ටුවේ හිමිකරුවා ඔහු වෙනවා. එතකොට පැහැදිලියි, දැන් ආණ්ඩුව මොනතරම් පම්පෝරි ගැහුවත් මේ මත්ද්රව්ය තොග පිටින් ආවේ ඔවුන්ගේම ගෝලයෝ, ඔවුන්ගේම පාක්ෂිකයෝ, ඔවුන්ගේම ප්රබල හිතවතුන් හරහා.’
‘මොහුගේ ගිණුම්වල විශාල මුදලක් එකතු වෙලා තියෙනවා. ඔහු ඒ නිසා අතපය දිගඇරලා ජනතා විමුක්ති පෙරමුණට පහුගිය කාලය පුරා උදව් කළා. ඒ නිසා තමයි ජනතා විමුක්ති පෙරමුණේ උදවිය පළවෙනි අවස්ථාවේ අත්අඩංගුවට ගත්තාම, පොලීසියට බලපෑම් කරලා නිදහස් කරගත්තේ. දැන් නොගෙන බැරි තත්ත්වයකට පත් වුණාම තමයි අත්අඩංගුවට අරගෙන තියෙන්නේ. ඒ නිසා බොහොම පැහැදිලියි, මීට කලිනුත් අපි අවධාරණය කළා වගේ, ‘කුඩු ගේන්නෙත් රාජ්ය අනුග්රහයෙන්, කුඩු අල්ලන්නෙත් රාජ්ය අනුග්රහයෙන්’ යනුවෙන් විමල් වීරවංශ මහතා එහිදී සඳහන් කර සිටියේය.
