අතීතයට එකතු වෙච්ච සිංහල සිනමාවේ රසවත් කතා කොයි තරම් නම් තියෙනවද? Sri Lanka Latest News
ඒ වාගේ සමහර රසවත් කතන්දර අදටත් ප්රසිද්ධ රහස් විදියට ඔහේ පැත්තක තියෙනවා. සමහරු ඒවා ගැන හාංකවිසියක් දන්නෙත් නැහැ. ඒ වගේ කතන්දර අතර පුංචි පුංචි පෙම් හුටපටත් තියෙනවා. පුංචි පුංචි කියලා කිව්වට ඒ සමහර සංගදි පුංචිමත් නැහැ. හොඳ ගානට හැම රහක්ම ටික ටික දාලා මේ කියන්න යන්නෙත් එහෙව් කතන්දරයක් තමයි.
ඔක්කොටම කලින් ඔය පින්තූරේ දිහා ටිකක් බලන්නකෝ. හිතාගන්න බැරි නැහැනේ සීන් එක. ඔව් , හිතුවා හරි. සිංහල සිනමාවේ නිළි රැජින මාලනී සෙනෙහෙලතා ෆොන්සේකා ප්රවීණ නළු ලකී ඩයස් එක්ක අතිනත ගත්ත දවසේ ජනප්රියම කඩවසම්ම නළුවා වූ විජය කුමාරතුංග එයාලට හරි හෘදයාංගමව සුබ පතන්න ආව මොහොත තමයි මේ කැමරාවට හසුවෙලා තියෙන්නේ.
බලන්න විජය වෙඩින් එකට ආව එකට මාලනීගේ මුහුණේ තියෙන සතුට කොයි තරම්ද කියලා. ඕනෙ කෙනකුට මේ ෆොටෝ එක දිහා බලපුවාම ඒක ක්ලික් වෙනවා. කැමරා අටවගත්ත අපේ කට්ටියත් විජයගේ පැමිණීමයි සුබ පැතුමයි තම තමන්ගේ කැමරා කාචවල සටහන් කරගන්න මාරම උනන්දුවකින් බලාගෙන හිටියා. ඒකට හේතුව විජයගේ ජනකාන්ත ප්රතිරූපය විතරක්ම නෙවෙයි. මේ දෙන්නාගේ ආදර කතාව ගැන එයාලා කසාද බඳින්න ඔන්න මෙන්න කියලා හිටපු කතන්දරය හැමෝම වාගේ දැනගෙන හිටියා. අදට වුණත් විටින් විට මාධ්යවල එයාලගේ ලස්සන ආදරය ගැන රසම රස ගොසිප් සටහන් වෙනවා. අන්න ඒ ආදර පලහිලව්ව හින්දම තමයි විජය මාලනීව, එහෙමත් නැත්නම් එයාගේ හිටපු පෙම්වතියට සුබ පතන සීන් එක රූපරාමුවට නගන්න එයාලා ඒ හැටි දත කෑවේ. කොහොමත් ඒ හග් එක නම් හරිම හෘදයාංගමයි තමයි. විජය මාලනීට සුබ පතන්නේ කිසිම කහටක් නැතුව හදවතින්මයි.
මාලනී ෆොන්සේකාත් විජය කුමාරතුංගගේ වෙඩින් එකට ගිහින් මේ වගේම හෘදයාංගම විෂ් එකක් දුන්නද?
අන්න එතැන තමයි සටහනේ හොඳම කොටස තියෙන්නේ.
ඒ කියන්නේ මාලනී, විජයගේ වෙඩින් එකට ගියේ නැතුවද?
මාලනී විතරක් නෙවෙයි, බයිස්කෝප්වල රඟපාන විජයට හිතවත් කට්ටිය බොහොමයක් විජය, චන්ද්රිකා බණ්ඩාරනායකව බඳින දවසේ ගියේ නැහැ. ගියේ නැහැ නෙවෙයි කාටවත් යන්න වුණේ නැහැ. මොකද ඒ මංගල්ලෙ සිද්ධ වුණේ පවුලේ උදවිය අතර විතරයි.
හැබැයි යූටියුබ් ස්මාර්ට් ෆෝන් නැති ඒ කාලේ පත්තරයක ලොකුවට දාලා තිබුණු විජය-චන්ද්රිකා වෙඩින් ෆොටෝ එක දැකලා මාලනී තදින්ම තිගැස්සුණාලු. ෆොටෝ එක දිහා ෂොක් වෙලා වගේ විනාඩියක් දෙකක් බලන් හිටියලු. ඊට ටික වෙලාවකට පස්සේ දුක හිතේ හංගගෙන සෙට් එකේ කට්ටියගෙන් ඈත්වෙලා තරමක් වෙලා හුදෙකලාව නිහඬව තද කල්පනාවකට මැදිවෙලා හිටියලු. ආයෙම ෂූටින්වලට ආවේ ඊට පස්සෙලු. මේ තරම් හැඟීම්බර විදියට ඒ මොහොතේ මාලනීගේ හැසිරීම හරියටම නෝට් කරලා තිබුණේ මාලනීත් එක්කම ෆිල්ම් එකක ෂූටින්වලට ගිහින් හිටපු ඇගේ සමීපතම නළු මිතුරා ප්රවීණ නළු රවීන්ද්ර රන්දෙණිය කියලයි කතාවේ හැටියට ආරංචිය තියෙන්නේ. කොහොම නමුත් මාලනී චන්ද්රිකාගෙයි විජයගෙයි වෙඩින් ෆොටෝ එක දැකලා ෂොක් වුණාට විජය මාලනී – ලකී වෙඩින් එකට ඇවිල්ලා උත්සවය ඉවර වෙනකල්ම සතුටින් හිටියලු.
ඒක එහෙම නෙවෙයියැ. මොකද කියනවා නම් මාලනී බඳිනකොට විජයට දරු පවුලක් හිටියා. අනිත් එක අඬබෙර ගහලා සිද්ධ වුණු විවාහයක්. විජය නම් බැන්දේ පැදුරටත් නොකියා හොර රහසෙනෙ. අනෙක ඒ වෙනකොට මාලනීයි විජයයි කපල් ෆැෂන් එකට රඟපාපු කාලේ. මේ ලස්සන ජෝඩු ගැහිල්ලට පිස්සු වැටුණු අපේ බයිස්කෝප් පිස්සෝ ඒ චිත්රපටවලට පෝලිම් ගැහුණේ නිෂ්පාදක මහත්වරුන්ගේ සාක්කු මොනර කඩදාසිවලින් පිරිලා ඉතිරිලා යන විදියටයි. එහෙව් එකේ විජය තමාටවත් නොකියා වලව් පැලැන්තියෙන් පෙලවහක් කරගත්තහම මාලනී ෂොක් වෙන එක අහන්නත් දෙයක් යැ නේද?
(මේ සටහන තියන්න මූලාශ්ර ගත්තේ මුහුණු පොතෙන්)
