ඇයව බොහෝ දෙනෙක් මේ දිනවල දන්නේ ‘දිලිමා’ කියන චරිතයෙන්. සැමියා අහිමිව එකම පුතා අකිල සමග ගෙවන ජීවිතය තුළ පවුලේ අයගෙන් ඇතිවන පීඩාවන් දරාගෙන ජීවිතය තරණය කිරීමට ගන්නා උත්සාහය ඇය දිලිමා චරිතයෙන් මනාව නිරූපණය කරනවා. දිලිමා චරිතයට පණ පොවන ජනප්රිය රංගන ශිල්පිනී දිලිනි ලක්මාලි ‘මව්රට’ ‘හාට්’ සමග කළ සොඳුරු කතාබහයි මේ.Sri Lanka Latest News
පුංචි තිරයේ දැන් චණ්ඩි රැජිනක් වෙලා නේද?
දිලිමාට වෙන අසාධාරණය වෙනුවෙන් සමහර අවස්ථාවල මතුවෙන ප්රශ්නවලට ගැටෙන්න වෙලා තියෙනවා.
දිලිනි කාලෙකට පස්සේ සුවිශේෂ චරිතයකින් අපි දකිනවා. ඒ ගැන කතා කළොත්?
අවුරුද්දකින් විතර තමයි මම සම්බන්ධ වුණු ටෙලිනාට්යයක් විකාශය වෙන්නේ. ඉර හැංගිලා ටෙලිනාට්යයේ මම නිරූපණය කරන දිලිමා චරිතයට හොඳ ප්රතිචාර ලැබෙනවා. ගොඩක් ප්රේක්ෂකයන් දිලිමාට ආදරය අනුකම්පාව දක්වනවා. මගේ රඟපෑමට කැමැති ප්රේක්ෂක පිරිසක් ඉන්නවා. ඔවුන් හරිම ආශාවෙන් දිලිමා චරිතය වැලඳගෙන තිබෙනවා. ඒ ගැන ගොඩක් සතුටුයි.
ඉතින් අපි මේ දකින්නේ දිලිනිගේ අවසාන රංගනයද?
මට ඉතින් ඉස්සර වගේ නිර්මාණ සඳහා යොමුවෙන්න බැහැ. ඉර හැංගිලා ටෙලිනාට්යය වෙනුවෙන්ම ලංකාවට ඇවිත් මාසයක් විතර හිටියා. මගේ සැමියා නිව්සීලන්ඩ්වල ඉන්නේ. ඉතින් දෙන්නම එකට කාලය ගතකරන්න ඕනෙ නිසා මමත් නිව්සීලන්ඩ්වලට ආවා. හොඳ නිර්මාණයකට නැවත ආරාධනාවක් ආවොත් මගේ ආදරණීය රසිකයන් වෙනුවෙන් ඊට සම්බන්ධ වෙනවා.
ලංකාවේ සිටි කාලය තුළ වෙන නිර්මාණ සඳහා ආරාධනා ආවේ නැද්ද?
ගොඩක් දෙනෙක් දැනගෙන හිටියා මම ඉර හැංගිලා ටෙලිනාට්යයේ රූගත කිරීම් සඳහා පැමිණි බව. එහෙම ආරාධනා ආවත් මට සම්බන්ධ වෙන්න කාලය තිබුණේ නැහැ. රූපවාහිනී වැඩසටහන් සඳහා සම්බන්ධ වුණා.
ලංකාවෙන් එද්දී මොකද හිතුණේ?
ඒ ගැන කතාකරන්න මම කැමැති නැහැ. ‘ඉර හැංගිලා’ ටෙලිනාට්ය කණ්ඩායම දාලා එන්න දුකයි. මොකද අපි එකම පවුලක් වගේ හිටියේ. ඒ කිසිම කෙනෙක් මට නැවත මේ විදියට හමුවෙන්නේ නැති වෙයි. ඒ වගේම මගේ පවුලේ අය එක්ක ඉඳලා එයාලගෙන් දුරස් වෙන එකත් දුකයි.
වසන්ත විතාරණගේ
