බොලිවුඩ්වල සුපිරි තරු බොහොමයක් තම තමන් රඟපාන චිත්රපට තිරගත කිරීමට සුවිශේෂ දවස් වෙන්කරගෙන සිටින බව කා අතරත් ප්රසිද්ධ රහසකි. හින්දි චිත්රපට කෙරෙහි ප්රියතාවක් දක්වන ලොව පුරා වෙසෙන සිනමා ලෝලීන්ද එය සහසුද්දෙන්ම දනියි. (Sri Lanka Latest News)
ඛාන්ලා අතර ඒ මිථ්යාව වඩා ප්රසිද්ධය. සල්මන්, ආමීර් වගේම ෂාරුක්ද චිත්රපටයක තිර පිටපත අතට ගන්නේද ගිවිසුම් ගහන්නේද අධ්යක්ෂවරුන් සේම නිෂ්පාදකයන්ද එම කොන්දේසිය සඳහා ඇග්රි වෙනවා නම් විතරය.
අක්ෂේ කුමාර් වගේම අජේ දේව්ගන්ද එහෙම යැයි කතාවක් තියෙනවාය.
අද මේ අලුතෙන් කියන්න යන්නේ සල්මන් ඛාන් ගැනය. සල්මන් ඔහුගේ අලුත්ම චිත්රපටය වන ‘සිකන්දර්’ ඉන්දියාව පුරා සිනමා ශාලාවල තිරග කරවීම සඳහා මේ දවස්වල සැලසුම් කරමින් සිටියි. සමහර රූගත කිරීම් තවම අවසන්ව නැති වුවද සල්මන්, ‘සිකන්දර්’ හෝල්වලට බෙදාහරින සහ පෙන්වන දවස් ප්ලෑන් කරමින් සිටින්නේ ඔහුගේ චිත්රපට නිකුතුවට සුබ දවස ‘ඊඩ්’ උත්සව කාලය නිසාය. 2025 ඊඩ් උත්සවය දවසට ‘සිකන්දර්’ පෙන්වීමට බැරි වුවහොත් නැවත එය පෙන්වන්නේ 2026 ඊඩ්වලට යැයි කියා සල්මන් සිය ඉන්ස්ටර්ග්රෑමයෙහි සටහනක්ද තබා ඇත.
මේ කියන සුබ නිමිත්ත ඛාන්ලාට සහ අනෙක් සුපිරි තරුවලට හරියනවද?
ෂාරුක්ට සහ අජේට වතාවක් දෙකක් වැරැදුණු බවට කටකතාවක් වේ. නමුත් සල්මන්ට නම් තවමත් ඔහුගේ මිථ්යා මතය තිතටම වැඩය.
‘සිකන්දර්’ ෆිල්ම් එකේ ටේ්රලරයට ප්රතිචාර කොහොමද?
‘සිකන්දර්’ චිත්රපටය සල්මන් සම්පූර්ණයෙන්ම වාගේ රහසක් කරගෙන කියලයි කියන්නේ. ප්රධාන චරිත නිරූපණය කරන්නේ රශ්මිකා මන්දනා එක්ක සල්මන් ඛාන්ය. කාජල් අගර්වාල් සහ අනිජිනි ධාවන්ද එහි රඟන්නෝය. විස්තර සටහන් කර ඇත්තේ එපමණය. එයට අමතරව රෝල්ස් රොයිස් කාරයක් සිකන්දර් චිත්රපටයෙහි කටවුට් එකක් සමග ඇදීයන දසුනක් සබැඳීම බටර් කහ පාටින් සැරසුණු රශ්මිකා මන්දනා අලංකාරව රඟන දර්ශනයක රූගත කිරීමක්ද අන්තර්ජාලයෙහි වරින් වර සංසරණය වන වීඩියෝවක සටහන්ව ඇත.
ටේ්රලරය හෝ කතා තේමාව ගැන තොරතුරු අසන මාධ්යයට සහ සිය ඉන්ස්ටර්ග්රෑම් අනුගාමිකයන්ට සල්මන් සුහදව පවසා ඇත්තේ සුබ නිමිත්තකට අනුව එය එළිදක්වන බවය.
දමයන්ති රේණුකා ප්රනාන්දු
