මෙවර මහමැතිවරණ ප්රතිපලයෙන් බරපතළ ලෙස පරාජයට පත්ව තිබුණේ හිටපු ජනාධිපති රනිල් වික්රමසිංහ මහතාගේ නායකත්වයෙන් යුතු එක්සත් ජාතික පක්ෂයය.Sri Lanka Latest News
2020 පැවැති මහමැතිවරණයේදී මෙන්ම මෙවරද එක්සත් ජාතික පක්ෂයේ කිසිදු මන්ත්රීවරයකු ජයග්රහණය කිරීමට නොහැකි වීම විශේෂ සිදුවීමකි.
පක්ෂ නායක රනිල් වික්රමසිංහ මහතා ජනාධිපතිවරණ පරාජයත් සමග මහමැතිවරණයට ඉදිරිපත් නොවන බව කල්තියාම ප්රකාශයට පත් කළේය.
එමෙන්ම එජාපයේ ප්රධානීන් වන සභාපති වජිර අබේවර්ධන මැතිවරණයට සම්බන්ධ වූයේම නැත. උපනායක රවී කරුණානායක මහමැතිවරණයට තරග නොකර ජාතික ලයිස්තුවට ඇතුළත් විය.
පක්ෂ මහලේකම් පාලිත රංගේ බණ්ඩාර මහතා තරග නොකළා පමණක් නොව පක්ෂයේ කිසිදු ප්රචාරක කටයුත්තකට සහභාගී වූයේ නැත. මැතිවරණය ආරම්භ වනවාත් සමගම හෙතෙම විදෙස්ගත වීමට පියවර ගෙන තිබිණ.
මීට අමතරව එජාප නියෝජ්ය නායක රුවන් විජයවර්ධන මහතා ගම්පහින් තරග කළද ඉකුත් වතාවේ මෙන්ම මෙවරද හෙතෙම ගම්පහින් අන්ත පරාජයකට ලක්විය.
මාතර නියෝජනය කළ එජාප ජාතික සංවිධායක සාගල රත්නායක මහතා මෙවර කොළඹින් මැතිවරණයට තරග කළද ඒ මහතාටද සිදුවූයේ දරුණු පරාජයකට මුහුණ දීමටය.
මීට අමතරව හිටපු ජනාධිපතිවරයා සමග එක කැබිනට්ටුවේ අසුන් ගත් හරීන් ප්රනාන්දු සහ මනූෂ නානායක්කාරද මෙවර මැතිවරණයෙන් ගෙදර යැවීමට ජනතාව කටයුතු කොට තිබිණ.
මෙතරම් දරුණු පරාජයකට මුහුණ දී ඒජාපය විනාශ වී තිබියදීත් පක්ෂ නායක රනිල් වික්රමසිංහ මහතා පක්ෂ නායකත්වය තවත් වසර 6ක් දැරීමට තීන්දු කොට තිබීම විශේෂ සිදුවීමකි.
ඒ මහතා එජාප නායකත්වයට පත්වූයේ 1994දීය. එදා සිට මේ දක්වා වසර වසර 3ක් වික්රමසිංහ මහතා අඛණ්ඩව එජාපයේ නායකයා ලෙස කටයුතු කරනු ලබයි.
