‘බෝල්ට් ඇණ’ කිහිපයක් එකතුවෙලා කරන පෙරළිය ගැන පසුගියදා අපි ඔබව දැනුවත් කළා මතක ඇති. අන්න ඒ බෝල්ට් ඇණ මැද්දට වැදිලා, තමන්ගේම අනන්යතාවකින් මුළු ටෙලි තිරයම තමන්ගේ පැත්තට නම්මා ගන්න සමත් වුණු කටකාර, දඟකාර පුංචි සුරංගනාවියක් තමයි ඉතාරා බෝමන්දි කියන්නේ. ‘බෝල්ට් ඇණේ’ මිනෝලි විදිහට ප්රේක්ෂක හදවත්වල ලැගුම්ගත් මේ අපූරු දියණිය, අද ‘හාට්’ කලා අතිරේකය හැඩකරන්න අපේ කතාබහට එකතු වුණේ මෙන්න මේ විදිහටයි…Sri Lanka Latest News
අපි කැමැතියි මුලින්ම දුව ගැන දැනගන්න?
මම ඉතාරා බෝමන්දි. මට වයස අවුරුදු 9ක් වෙනවා.
එතකොට ඔයා ඉගෙනුම ලබන්නේ?
ඔරුවල විද්යාලයේ 4 වසරේ මම ඉගෙනුම ලබනවා. පාසලෙන් මගේ රංගන කටයුතුවලට ලොකු සහායක් ලැබෙනවා. විදුහල්පතිතුමිය සහ පාසලේ අනෙකුත් ගුරුවරු මගේ රඟපෑම ගොඩක් අගය කරනවා. ඒ වගේම මගේ යාළුවොත් මට සහාය දෙනවා. එයාලා මට අතපසු වෙන පාඩම් කටයුතු කරගෙන යන්නත් උදව් කරනවා.
දුව රංගන කටයුතුවලට සම්බන්ධ වුණු ආකාරය ගැන කතා කළොත්?
මම මුලින්ම සම්බන්ධ වෙන්නේ වෙළෙඳ දැන්වීම්වලට. සිතාරා ආන්ටි හරහා ‘විසේකාරි’ ටෙලිනාට්යයේ චනුකිගේ චරිතය රඟපාන්න මට අවස්ථාව ලැබුණා. චේතිය සර්ගේ පොඩි දුවට පස්සේ ‘මගේ ආදරේ’ ටෙලිනාට්යයට සම්බන්ධ වුණා. ඒ නාට්යයේ මම රඟපෑවේ බිමල් අංකල් සහ පබෝදා ආන්ටිත් එක්ක.
දුවගේ පවුලේ ගොඩ දෙනෙක් කලාවට සම්බන්ධයි නේද?
මගේ අම්මා තමයි රෝමා රෝෂි. අම්මා ටෙලිනාට්ය, වේදිකා නාට්ය, චිත්රපටවල රඟපානවා. මගේ තාත්තා රූපවාහිනී වැඩසටහන් නිෂ්පාදකවරයෙක් වගේම අධ්යක්ෂවරයෙක් ලෙස කටයුතු කරනවා. මගේ අයියා තමයි දුවින් දසස්. එයත් ටෙලිනාට්යවල රඟපානවා. අම්මා ටෙලිනාට්යවල රඟපාන්න යනකොට මාවත් එක්කගෙන යනවා. ඉතින් අම්මා රඟපානවා දැකලා මටත් ආශා හිතුණා රඟපාන්න.
‘බෝල්ට් ඇණයක්’ එකේ මිනෝලි ගැන කතා කළොත්?
චතු ගම්ලත් ආන්ටි හරහා තමයි මට බෝල්ට් ඇණයට සම්බන්ධ වෙන්න අවස්ථාව ලැබුණේ. හැමෝම කියනවා මම හොඳට රඟපෑවා කියලා. මිනෝලිට ගොඩ දෙනෙක් ආදරෙයි.
මිනෝලි චරිතය වෙනුවෙන් විශේෂ දෙයක් එකතු කරගත්තද?
ඒ චරිතය වෙනුවෙන් මම රංගනය තුළදී එකතු කරගත්තේ කටකාරකම තමයි. ටෙලිනාට්යයේ අධ්යක්ෂ අංකල් සහ අනෙකුත් අය කියන දේවල් අවබෝධ කරගෙන චරිතය උපරිම විදියට මම රඟපෑවා.
‘බෝල්ට් ඇණයක්’ රූගත කිරීම් අතරතුර හොඳ හොඳ වැඩ වුණාලු නේද?
මගේ අම්මාට රඟපාන්නේ ලක්ෂිකා ආන්ටි. කිරි අම්මාට රඟපාන්නේ ශිරෝමිකා ප්රනාන්දු ආන්ටි. කිරි අම්මා එක්ක තමයි මම නිතරම එකට එක කියාගෙන යන්නේ. දවසක් රූගත කිරීම් අතරතුර එක දර්ශනයක තිබුණා කිරි අම්මා පුටුව උඩ නැගලා ජනේලයෙන් බලාගෙන ඉන්නවා. මමත් ඒ පුටුවටම නැගලා ජනේලයෙන් බලන්න ගිහින් දෙන්නත් එක්කම බිමට ඇදගෙන වැටුණා.
වසන්ත විතාරණගේ
