ටෙලිනාට්ය කලාව තුළ රංගනයෙන් ප්රේක්ෂක හදවත් දිනාගත් හඬකැවීම් ක්ෂේත්රයේ තම දක්ෂතා නිරූපණය කරන යෂ් වීරසිංහ මේ දිනවල නිතර කතාබහට ලක්වන චරිතයක්. රංගනය උරුමකොටගත් පවුලක හිමිකරුවෙක් වුවද තමන්ගේ අනන්යතාවයක් ගොඩනගා ගනිමින් ප්රේක්ෂක හදවත් වගේම පුංචි තිරයේ පෙම්වතා, යෂ් වීරසිංහ සමග ‘මව්රට’ ‘හාට්’ අපි අද කතාබහ කරන්නට හිතුවා.Sri Lanka Latest News
ඉතින් යෂ් කොහොමද මේ දවස්වල වැඩකටයුතු?
මේ ටිකේ ෆිල්ම් එකේ පෝස්ට් ප්රොඩක්ෂන් යනවා ‘පරාග’ ෆිල්ම් එකේ. ඊට පස්සේ ‘ආලේ’ කියලා අලුත් වැඩක් පටන් ගත්තා. ඒකේ ෂූටින් යනවා. ඊට පස්සේ විසේකාරී ටෙලිනාට්යයේ ෂූටින් යනවා. තව ‘24 ලව් ස්ටෝරි’ ඩ්රාමා එකෙත් අන්තිම ෂූට් එක කරනවා.
හඬකැවීම් ශිල්පියෙක් විදියට මේ පටන් ගත්ත ගමන ගැන කතා කරමු…
ඔව්. රංගන ක්ෂේත්රයට පිවිසෙන්නේ මම මුලින්ම හඬකැවීම් ශිල්පියෙක් විදිහට. මගේ ලොකු අම්මා ගීතා කාන්ති ජයකොඩි මාව දානවා රූපවාහිනී ඩබින් ටෙස්ට් එකකට. ඊට පස්සේ ඒකෙන් තේරිලා ඩබ් කරන්න පටන් ගත්තා. ඊට පස්සේ යනවා ෆීල්ඩ් ටෙස්ට්වලට. අමතර චරිත කරනවා. ඊට පස්සේ මම ප්රධාන චරිත කරනවා. එතැනින් පටන්ගත්ත ගමන තමයි මේ වෙනකන් මම ආවේ.
ධනුෂ්ක රත්නායකගේ ‘පරාග’ චිත්රපටයේ ප්රධාන චරිතය රඟපාන්න ඔබට ලැබිලා තියෙනවා ඒ අවස්ථාව ලැබුණේ කොහොමද? ඒ අත්දැකීම මොන වගේද?
ඇත්තටම ධනුෂ්ක අයියා තමයි මාව රංගන ක්ෂේත්රය ඇතුළේ ගොඩක් ලොකු තැනකට ගෙනාවේ. ඉතින් එයා එයාගේ පළවෙනි චිත්රපටයට මං ගැන විශ්වාසය තියලා මාව ප්රධාන චරිතය විදිහට තෝරාගත්තා. විශේෂයෙන්ම ධනුෂ්ක අයියට ස්තුතිවන්ත වෙනවා. මං ගැන විශ්වාසය තියලා මාව තෝරා ගත්තට. පරාග කියන්නේ ඇත්තටම දැවැන්ත සිනමා නිර්මාණයක්. ඒක ආවට පස්සේ ප්රේක්ෂකයන්ට බලාගන්න පුළුවන් ඒක කොහොමද කියලා. ඉතින් සෑහෙන්න ලොකු කැපකිරීමක් කරා මේ චිත්රපටය වෙනුවෙන්. අපේ ප්ලෑන් එක තිබ්බේ ජනවාරිවලදි වගේ ෆිල්ම් එක ප්රේක්ෂකයන් අතරට ගේන්න. නමුත් මේ යන තත්ත්වය එක්ක ඒක කරන්න බැරි වෙයි. තාම හරියටම කියන්න බෑ ඒක.
සිරස ටීවී හරහා මේ දිනවල විකාශනය වන ‘ආලේ’ ටෙලිනාට්යයේ ප්රධාන චරිතයක් ඔබට ලැබිලා තියෙනවා?
‘ආලේ’ අධ්යක්ෂ ඉන්දික අයියා තමයි මට කතා කරන්නේ. මං වැඩිය මෙගා නාට්යවලට යන්නෙ නෑ කියලා ඉන්න වෙලාවක තමයි ඔය ආරාධනාව එන්නේ. ඉතින් ආරාධනාව භාර ගත්තේ වෙන මොකුත් නිසා නෙවෙයි ආරම්භයක් සහ අවසානයක් කතාව තුළ තීරණය කරලා තිබුණු නිසා. ඒ වගේම මට හමුවුණු චරිතවලින් වෙනස්ම චරිතයක් නිසා.
‘ආලේ’ ටෙලිනාට්යයේ නවීන්ගේ චරිතයට ලැබෙන ප්රතිචාර කොහොමද?
නවීන් කියන චරිතය තාම ප්රේක්ෂකයින්ට අලුත්. හැබැයි ප්රේක්ෂකයින්ගේ ප්රතිචාර හොඳයි. නමුත් තාම ඒ අයට හරියටම චරිතය තෝරගන්න බැරි එකකුත් තියෙනවා. තව එපිසෝඩ් කිහිපයක් යනකොට ප්රේක්ෂකයන්ට නවීන්ගේ චරිතය තේරේවි. ඉතින් සමස්තයක් විදිහට ගත්තම නවීන්ගේ චරිතයට එන ප්රතිචාර ඉතාම හොඳයි.
ඉතින් යෂ් විවාහ වෙන්න දැන්ම අදහසක් තියෙනවද? ගර්ල් ෆ්රෙන්ඩ් කෙනෙක් එහෙම ඉන්නවද?
ගර්ල් ෆ්රෙන්ඩ් කෙනෙක් තාම නෑ. හැබැයි මට හරියන කෙනෙක් ලැබුණොත් ඉක්මනින් විවාහ වෙනවා.
ඔබේ ඉදිරි වැඩකටයුතු ගැනත් කියමුද?
ඉදිරියේදී ලොකු බලාපොරොත්තුවක් තියෙන්නේ පරාග ෆිල්ම් එකට. ඒක වෙනුවෙන් තමයි වැඩි කාලයක් යොදවන්න තියෙන්නේ. ඒ වගේම තව මිනි සීරීස් 2කට විතර සම්බන්ධ වෙන්න අවස්ථාව ලැබිලා තියෙනවා. ඒකත් කරන්න ඕනෙ. මං කලින් කිව්වා වගේ ෆිල්ම් එක පැත්තට වැඩිපුර අවධානයක් යොමු කරන්න තමයි බලාපොරොත්තුවෙන් ඉන්නේ.
කෞෂල්යා ලක්මිණි
