මෙරට සිංහල සිනමා ඉතිහාසයේ වාර්තා අතරට අභිනවයෙන් එක්වන, මහ සයුර මත සියලු රූපගත කිරීම් සිදුකරමින් නිමකළ ප්රථම සිනමා නිර්මාණය ලෙස වාර්තාවක් තබා ඇති ‘මාරියා’ චිත්රපටය නොවැම්බර් 21 වන දින සිට දිවයින පුරා සිනමා ශාලාවන් හී තිරගත වීමට නියමිතව ඇත. නිළියක් නොමැති ‘මාරියා’ හී රඟපෑ සියලු නළුවන් හොඳම නළුවන් කිරීමට, මෙහි තිර පිටපත් රචකයා මෙන්ම අධ්යක්ෂවරයා වූ අරුණ ජයවර්ධන සමත්ව ඇත.Sri Lanka Latest News
ඒ අනුව, මහේන්ද්ර පෙරේරා, හේමාල් රණසිංහ, අශාන් ඩයස්, දර්ශන් ධර්මරාජ්, ප්රියන්ත සිරි කුමාර, දසුන් පතිරණ සහ සුරන් දසනායක හොඳම නළුවන් ලෙස සම්මානිත විය.
එලෙසම, ‘මාරියා’ රුසියාවේ පැවැති යල්ටා අන්තර්ජාතික සිනමා උළෙල යුරේෂියන් බි්රජ් සම්මාන උළලේ දී හොඳම චිත්රපටයට හිමි සම්මානය, ඉන්දියාවේ ජායිපූර් නගරයේ පැවති 15 වන ජායිපූර් අන්තර්ජාතික සිනමා සම්මාන උළෙලේදී ග්රීන්රෝස් සම්මානය ද, හැනෝයි ජාත්යන්තර චිත්රපට උළෙළේ හොඳම නළුවාට හිමි සම්මානයද හිමිකර ගත්තේය.
ධීවර කර්මාන්තයේ නියැළෙන ධීවරයින් හය දෙනෙකු දියඹ මුහුදේදී මුහුණ දෙන සත්ය සිදුවීමක් පාදක කර ගනිමින් නිර්මාණය වී ඇති ‘මාරියා’, බහුදින ධීවර යාත්රාවක් තුළ, පුරා මසකට ආසන්න කාලයක් ඉමක් නොපෙනෙන ගැඹුරු මුහුදේ සියලු රූපගත කිරීම් සිදු කර ඇති මෙහි, කැමරා අධ්යක්ෂණයෙන් චන්න දේශප්රිය, දිය යට දර්ශන රූපගත කිරීමෙන් මැක්ලේන් ඇඩම්ස්, සංස්කරණයෙන් ඩිලන්ත පෙරේරා, සහාය අධ්යක්ෂණයෙන් දමින්ද ඩී මඩවල, සංගීත අධ්යක්ෂණයෙන් චින්තක ජයකොඩි, ගීත ගායනයෙන් බිමල් ජයකොඩි, හේමාල් රණසිංහ, මහේන්ද්ර පෙරේරා, අශාන් ඩයස්, ප්රියන්ත සිරිකුමාර, දර්ශන් ධර්මරාජ්, දසුන් පතිරණ සහ සුරන් දසනායක ඇතුළු පිරිසක් එක්ව ඇති ‘මාරියා’ ඉන්ද්රජිත් සිල්වාගේ නිෂ්පාදනයක් ලෙසින් තිරයට එක්වෙයි.
