සුරාබදු සම්බන්ධයෙන් ආන්දෝලනාත්මක යෝජනාවක් හෙට දිනයේදී පාර්ලිමේන්තුවට ඉදිරිපත් වීමට නියමිතව ඇති බවත්, එම යෝජනාව හරහා එක් එක් මත්පැන් නිෂ්පාදන සමාගමකින් ආපසු නොගෙවන රුපියල් මිලියන 120ක පමණ තැන්පතුවක් සුරාබදු දෙපාර්තමේන්තුවට ලබාගැනීමේ සූදානමක් පවතින බවත් වාර්තා වේ.Sri Lanka Latest News
ඇතැම් සිවිල් සංවිධාන ප්රධානීන් පෙන්වා දෙන්නේ මෑතකදී මත්පැන් වෙළෙදපොළට පිවිසීමේ බලාපොරොත්තුවෙන් සිටින යම් යම් කෝටිපති ව්යාපාරිකයන්ට වෙළෙදපොළ ඉඩ ප්රස්ථාව සකස් කිරීමේ අරමුණින් මෙම යෝජනාව ඉදිරිපත් කිරීමට සැලසුම් කර ඇති බවකි.
ඒ අනුව මේ සම්බන්ධයෙන් හෙට දිනයේදී විපක්ෂය ආණ්ඩුවෙන් ප්රශ්න කිරීමේ සුදානමින් සිටින බවද දැනගන්නට තිබේ.
එමෙන්ම විපක්ෂයේ ඇතැම් මන්ත්රීවරුන් චෝදනා කර සිටි්න්නේ ආණ්ඩුව විසින් ගෙනඒමට නියමිත මෙම යෝජනාවට විපක්ෂයේ සිටින ඇතැම් මන්ත්රීවරුන්ද සහාය දක්වන්නේද යන්න පිළිබද බරපතළ සැකයක් මතුවන බවකි.
මන්ද යත් මෙවැනි යෝජනාවක් ක්රියාත්මක වුවහොත් ඒ හරහා දැනට කර්මාන්තයේ නියලී සිටින සමාගම් අධෛර්යමත් වී සමාගම් වැසී යාමේ අවදානමක් මතුවීමත්, එහි ප්රතිපලයක් ලෙස අලුතින් වෙළදෙපොළට එන සමාගම්වලට අයුතු වාසියක් වීමේ ඉඩක් මතුවීමත්ය.
මීට පෙරද මාසයක් තුළ සුරාබදු නොගෙවන සමාගම්වල මත්පැන් නිෂ්පාදන බලපත්ර අහෝසි කිරීම සඳහා නියෝගයක් පසුගිය ඔක්තෝබර් මාසයේදී රජය විසින් පනවන ලද අතර ඊට විපක්ෂයේ ඇතැම් වගකිවයුත්තන් කිසිදු ප්රතිරෝධයක් නොදක්වා අනුමැතිය ලබාදීම සම්බන්ධයෙන්ද විශාල සැකයක් මතුවන බව ඔවුන්ගේ අදහස වී තිබේ.
ඒ අනුව හෙට දිනයේදී මේ සම්බන්ධයෙන් දැඩිව ප්රශ්න කිරීමට විපක්ෂයේ මන්ත්රී කණ්ඩායමත් සූදානමින් සිටින බවද දැනගන්නට ඇත.
